లోక్సభ, అసెంబ్లీ స్థానాలు 50% పెంపు దిశగా కేంద్రం కీలక నిర్ణయం
Mar 24, 2026
50% Increase in Lok Sabha and Assembly Seats!
దేశవ్యాప్తంగా లోక్సభ మరియు రాష్ట్ర అసెంబ్లీ స్థానాలను సుమారు 50 శాతం వరకు పెంచే దిశగా కేంద్ర ప్రభుత్వం కీలక నిర్ణయం తీసుకున్నట్లు సమాచారం. ఈ మేరకు ప్రత్యేక బిల్లును ప్రస్తుత పార్లమెంట్ సమావేశాల్లోనే ప్రవేశపెట్టేందుకు ప్రభుత్వం సన్నాహాలు చేస్తున్నట్టు తెలిసింది.
ప్రస్తుతం 543గా ఉన్న లోక్సభ స్థానాలు 816కి పెరిగే అవకాశం ఉంది. అదే విధంగా దేశవ్యాప్తంగా ఉన్న 4,123 అసెంబ్లీ స్థానాలు 6,185కు పెరుగుతాయి. జనాభా పెరుగుదల, ప్రాతినిధ్యం సమానంగా ఉండాలనే ఉద్దేశంతో ఈ మార్పులు చేపట్టాలని కేంద్రం భావిస్తోంది.
రాష్ట్రాల వారీగా చూస్తే, ఆంధ్రప్రదేశ్లో ప్రస్తుతం ఉన్న 175 అసెంబ్లీ స్థానాలు 263కు పెరిగే అవకాశం ఉంది. తెలంగాణలో 119 అసెంబ్లీ స్థానాలు 179కు చేరవచ్చు. లోక్సభ స్థానాల పరంగా ఆంధ్రప్రదేశ్లో 25 నుంచి 38కు, తెలంగాణలో 17 నుంచి 26కు పెరిగే అవకాశముందని సమాచారం.
ఈ నిర్ణయం అమల్లోకి రావాలంటే రాజ్యాంగ సవరణ అవసరం ఉంటుంది. అలాగే డిలిమిటేషన్ (పునర్విభజన) ప్రక్రియను కూడా చేపట్టాల్సి ఉంటుంది. 2026 తర్వాత దేశవ్యాప్తంగా డిలిమిటేషన్ జరగనున్న నేపథ్యంలో ఈ ప్రతిపాదనకు మరింత ప్రాధాన్యం ఏర్పడింది.
ఈ మార్పులు అమలైతే ప్రజలకు మరింత సముచిత ప్రాతినిధ్యం లభించడంతో పాటు ప్రాంతీయ అసమానతలు తగ్గే అవకాశం ఉందని విశ్లేషకులు భావిస్తున్నారు. అయితే, కొన్ని రాష్ట్రాలు రాజకీయ సమీకరణలపై ప్రభావం పడే అవకాశమున్నందున ఈ ప్రతిపాదనపై చర్చలు, భిన్నాభిప్రాయాలు కూడా వ్యక్తమయ్యే అవకాశం ఉంది.
