సహ’ (లైఫ్ ఆఫ్ సంజు) చిత్రం నుంచి ‘సోల్ ఆఫ్ సహ’ గ్లింప్స్
‘Soul of Saah’ Glimpse from the film ‘Saah’ (Life of Sanju)
కొన్ని కథలు మనసులో ఎప్పటికీ నిలిచిపోతాయి.మన జీవితంలో ఎప్పుడో అనుభవించిన భావోద్వేగాలు, జ్ఞాపకాలు, కలలను అవి మళ్లీ గుర్తు చేస్తాయి. అలాంటి హృదయాన్ని తాకే అనుభూతిని
అందించేందుకు వస్తోంది ‘సహ (లైఫ్ ఆఫ్ సంజు)’. నిషాంత్ దోటి దర్శకత్వం వహిస్తున్న ఈ చిత్రంలో కుమార్ కసారం హీరోగా నటిస్తుండగా, శ్వేత లక్ష్మణ్, వ్రజనా పాండ్యా కథానాయికలుగా
కనిపించనున్నారు. సుమైరా స్టూడియోస్ బ్యానర్పై తేజేశ్వర్ వెల్పుచర్ల నిర్మిస్తున్న ఈ చిత్రానికి సంబంధించిన ‘ది సోల్ ఆఫ్ సహ’ పేరుతో ప్రత్యేక గ్లింప్స్ను మేకర్స్ విడుదల చేశారు.
ఈ కథలో సంజు అనే వ్యక్తి తన జీవితంలోని అత్యంత అందమైన దశలను తిరిగి గుర్తు చేసుకుంటాడు. చిన్ననాటి జ్ఞాపకాలు, స్కూల్ రోజులు, కాలేజ్ ప్రేమ, వివాహ జీవితం, ఆ తర్వాత జరిగిన భావోద్వేగ
క్షణాలు అన్నీ అతని ప్రయాణంలో భాగమవుతాయి. అయితే కథ అనూహ్య మలుపు తిరిగేది ‘సహ’ అనే యువతిని కలిసినప్పుడు. ఆశ్చర్యకరంగా ఆమె పేరు మాత్రమే కాదు, తన గత ప్రేమను గుర్తు
చేసే ఎన్నో లక్షణాలు కూడా ఆమెలో కనిపిస్తాయి.
ఈ పరిచయం విధి, గమ్యం, అసంపూర్తిగా మిగిలిపోయిన భావోద్వేగాలు, మళ్లీ జీవితంలోకి తిరిగి వచ్చే బంధాల గురించి ఎన్నో ప్రశ్నలను లేవనెత్తుతుంది. కేవలం ఒక ప్రేమకథగా కాకుండా, మనిషిని
జ్ఞాపకాలు ఎలా మలుస్తాయి, కాలం బంధాలని ఎలా మార్చుతుంది, బాధలు ఎదురైనా మనసు ఎలా ప్రేమను నమ్ముతూనే ఉంటుంది అనే అంశాలను ఈ చిత్రం హత్తుకునేలా ఆవిష్కరిస్తుంది.
సహజమైన భావోద్వేగాలు, ప్రతి ఒక్కరూ తమ జీవితంతో అనుసంధానం చేసుకోగలిగే కథనమే ఈ చిత్రానికి ప్రధాన బలం. దర్శకుడు నిషాంత్ దోటి ఈ కథను ఎంతో ఆత్మీయంగా, హృదయాన్ని తాకేలా
ఆవిష్కరించిన తీరు ప్రత్యేకంగా నిలుస్తుంది.
సంగీత దర్శకుడు శేఖర్ చంద్ర అందించిన సంగీతం ఈ చిత్రానికి మరో ప్రధాన ఆకర్షణ. కథలోని నాస్టాల్జియా, ప్రేమ, భావోద్వేగాలను మరింత అందంగా ప్రతిబింబించేలా ఆయన స్వరాలు అలరిస్తున్నాయి.
కరుణాకర్ కె సినిమాటోగ్రఫీ, దినేష్ పెద్ది ఎడిటింగ్ చిత్రానికి అదనపు బలంగా నిలిచాయి.
మహిపాల్, అప్పాజీ, భారతి, మేఘనా సునీల్, బొంబాయి పద్మ, కొండారెడ్డి, హర్షవర్ధన్ తదితరులు కీలక పాత్రలు పోషిస్తున్నారు.
భావోద్వేగాలతో నిండిన కథనం, హృదయాన్ని హత్తుకునే ప్రేమ, మధురమైన జ్ఞాపకాలు, ఆత్మీయమైన సంగీతంతో ‘సహ (లైఫ్ ఆఫ్ సంజు)’ ప్రేక్షకులకు ఒక మరపురాని సినీ అనుభూతిని
అందించేందుకు సిద్ధమవుతోంది. తాజాగా విడుదలైన గ్లింప్స్ ఇప్పటికే ప్రేక్షకుల హృదయాలను తాకుతూ సినిమాపై మంచి బజ్ను క్రియేట్ చేస్తోంది.
తారాగణం: కుమార్ కాసారమ్, శ్వేత లక్ష్మణ్, వ్రజన పాండ్య, మహిపాల్, అప్పాజీ, భారతి, మేఘన సునీల్, బొంబాయి పద్మ, కొండా రెడ్డి, హర్షవర్ధన్
