కులగణన 100 రోజుల క్యాంపెయిన్కు రుద్ర సంతోష్ కుమార్కు కీలక బాధ్యత
ఏఐసీసీ వార్రూమ్ కోఆర్డినేటర్గా నియామకం
దేశవ్యాప్తంగా 100 రోజుల కులగణన క్యాంపెయిన్ సమన్వయ బాధ్యతలు
Rudra Santosh appointed as AICC War Room Coordinator.
హైదరాబాద్/న్యూఢిల్లీ, సెప్టెంబర్ 20 (వాయిస్ టుడే): దేశవ్యాప్తంగా కులగణన అంశంపై కాంగ్రెస్ పార్టీ నిర్వహించనున్న 100 రోజుల క్యాంపెయిన్కు ఏఐసీసీ వార్రూమ్ కోఆర్డినేటర్గా రుద్ర సంతోష్ కుమార్ను నియమించినట్లు కాంగ్రెస్ పార్టీ వర్గాలు వెల్లడించాయి. ఈ మేరకు ఏఐసీసీ నుంచి నియామకపత్రం జారీ అయినట్లు ఆ వర్గాలు తెలిపాయి.
తెలంగాణలో కులగణన కార్యక్రమాన్ని క్షేత్రస్థాయికి తీసుకెళ్లే క్రమంలో వార్రూమ్, కాల్సెంటర్, డిజిటల్ మానిటరింగ్ తదితర వ్యవస్థల సమన్వయంలో రుద్ర సంతోష్ కుమార్ పనిచేసిన అనుభవం నేపథ్యంలో ఈ బాధ్యతలు అప్పగించినట్లు పార్టీ వర్గాలు పేర్కొన్నాయి.
ఏఐసీసీ వార్రూమ్ కోఆర్డినేటర్ హోదాలో దేశవ్యాప్తంగా కులగణనపై అవగాహన కార్యక్రమాల సమన్వయం, రాష్ట్రాల వారీ కార్యాచరణ పర్యవేక్షణ, శిక్షణ కార్యక్రమాల సమన్వయం, పార్టీ సంస్థాగత విభాగాలతో అనుసంధానం, డిజిటల్ మానిటరింగ్, వారపు పురోగతి నివేదికల నిర్వహణ వంటి అంశాలను పర్యవేక్షించనున్నట్లు పార్టీ వర్గాలు తెలిపాయి.
కులగణన అంశాన్ని దేశవ్యాప్తంగా ప్రజల్లోకి తీసుకెళ్లేందుకు కాంగ్రెస్ పార్టీ 100 రోజుల ప్రచార కార్యక్రమాన్ని చేపట్టనున్నట్లు ప్రకటించింది. ఈ కార్యక్రమంలో భాగంగా రాష్ట్రాల వారీగా చేపట్టే కార్యకలాపాలను సమన్వయం చేయడంతో పాటు క్షేత్రస్థాయి కార్యక్రమాల పురోగతిని వార్రూమ్ ద్వారా పర్యవేక్షించనున్నట్లు పేర్కొంది.
తెలంగాణలో కులగణన కార్యక్రమంలో పనిచేసిన అనుభవం ఉన్న రుద్ర సంతోష్ కుమార్కు జాతీయ స్థాయిలో ఏఐసీసీ వార్రూమ్ కోఆర్డినేటర్ బాధ్యతలు అప్పగించడం ద్వారా రాష్ట్ర స్థాయి కార్యక్రమాల సమన్వయ అనుభవాన్ని జాతీయ క్యాంపెయిన్లో వినియోగించనున్నట్లు పార్టీ వర్గాలు తెలిపాయి.
