జాతీయ రహదారిపై లారీ, వ్యాను ఢీ

జాతీయ రహదారిపై లారీ, వ్యాను ఢీ

A lorry and a van collide on the national highway

  క్లీనర్ సజీవ దహనం
నెల్లూరు
జాతీయ రహదారిపై  ముందు వెళ్తున్న  ఇసుక లారీ ని వెనుక నుంచి  వ్యాన్  ఢీకొట్టిన సంఘటనలు  మంటలు చెలరేగాయి. వ్యాను ముందు భాగంలో చిక్కుకున్న వ్యాన్ క్లీనర్ మంటల్లో చిక్కుకొని సజీవ దహనమయ్యాడు. హైవేపై భోగాపురం సమీపంలో నారు పేట పెట్రోల్ బంకు వద్ద  సోమవారం తెల్లవారుజామున  ఈ ప్రమాదం జరిగింది. శ్రీకాకుళం వైపు నుంచి  విశాఖపట్నం వైపు వెళ్తున్న  వ్యాన్ వెళ్తోంది. నారు పేట వద్దకు వచ్చేసరికి  ముందు వెళ్తున్న ఇసుక లారీ ని ఢీ కొట్టింది. దీంతో వ్యాన్లో  ఒకసారిగా మంటలు చెలరేగాయి. ఢీకొట్టిన సమయంలో  వ్యాన్లో చిక్కుకున్న  క్లీనర్ బయటికి రాలేకపోవడంతో  సజీవ దహనం అయ్యాడు. సిఐ ప్రభాకర్, ఎస్సై లు పాపారావు, సూర్య కుమారి, హైవే సిబ్బంది చేరుకొని  జాతీయ రహదారిపై వెళ్తున్న మిగతా వాహనాలకు మనుషులు తగలకుండా  చర్యలు తీసుకున్నారు. గాయపడిన వ్యాన్ డ్రైవర్ ను ఆసుపత్రికి తరలించారు.
గంటన్నర ఆలస్యంగా చేరుకున్న ఫైర్ ఇంజన్
ప్రమాదం జరిగిన విషయాన్ని వెంటనే పోలీసులతో పాటు స్థానికులు ఫైర్ ఇంజన్ కు సమాచారం ఇచ్చారు.  హైవేపై ఉన్న  విశాఖ జిల్లా చిట్టవలస అగ్నిమాపక కేంద్రానికి  అటు విజయనగరం అగ్నిమాపక కేంద్రానికి తెలియజేశారు. 15 కిలోమీటర్ల దూరంలో ఉన్న చిట్టవలస నుంచి కానీ 25 కిలోమీటర్ల దూరంలో ఉన్న విజయనగరం నుంచి గాని ఫైర్ ఇంజన్లు చేరుకోలేదు. చివరకు విజయనగరం నుంచి  గంటన్నర ఆలస్యంగా  ఫైర్ ఇంజన్ చేరుకుంది. అప్పటికే జరగాల్సిన నష్టం జరిగిపోయింది.