చపాట మిర్చికి అరుదైన గుర్తింపు

చపాట మిర్చికి అరుదైన గుర్తింపు

A rare recognition of Chapata Mirchi

వరంగల్, డిసెంబర్ 10, (వాయిస్ టుడే)
వరంగల్ చపాట మిర్చి.. దేశంలో ఇది ఎంతో ఫేమస్. ఉమ్మడి వరంగల్ జిల్లాలో ఈ పంట ఎక్కువగా పండిస్తారు. తాజాగా.. వరంగల్ చపాట మిర్చికి అరుదైన గుర్తింపు లభించనుంది. దీనిపై వరంగల్ జిల్లా రైతులు, ప్రజా ప్రతినిధులు హర్షం వ్యక్తం చేస్తున్నారు.ఉమ్మడి వరంగల్‌ జిల్లా ప్రత్యేకమైన చపాట మిర్చికి.. జియోగ్రాఫికల్‌ ఇండెక్స్‌ లభించనుంది. వచ్చే ఏప్రిల్‌లో లభించనున్నట్టు అధికారులు చెబుతున్నారు.జియోగ్రాఫికల్‌ ఇండెక్స్‌ కోసం రెండేళ్ల కిందట చెన్నైలోని జియోగ్రాఫికల్‌ ఇండికేషన్‌ ఆఫ్‌ ఇండియాకు దరఖాస్తు చేశారు.తాజాగా ఇండియన్ పేటెంట్‌ కార్యాలయం దీనికి ఆమోదం తెలిపింది. ఈ విషయాన్ని జేవీఆర్‌ ఉద్యాన పరిశోధన కేంద్రం సైంటిస్ట్ భాస్కర్‌ వెల్లడించారు.చపాట మిర్చి విత్తన సేకరణ, సాగు విధానం, పంట లభ్యత, మార్కెటింగ్‌పై వివరాలను.. జియోగ్రాఫికల్‌ ఇండికేషన్స్‌ జర్నల్‌ ప్రచురించినట్లు భాస్కర్ వివరించారు.వచ్చే ఏడాది మార్చి వరకు దీనిపై అభ్యంతరాలు స్వీకరించనున్నారు. వాటిని పరిశీలించాక ఏప్రిల్‌లో భౌగోళిక గుర్తింపు ఇవ్వనున్నారు. దీనిపై వరంగల్ జిల్లా రైతులు హర్షం వ్యక్తం చేస్తున్నారు.