ఆస్తుల భారీగా పెరిగాయ్…

జైపూర్, నవంబర్ 23, (వాయిస్ టుడే):  రాజస్థాన్‌ అసెంబ్లీ ఎన్నికల్లో పోటీ చేస్తున్న అభ్యర్థుల ఆస్తులు అమాంతం పెరిగాయి. మొత్తం 173 మంది సిట్టింగ్ ఎమ్మెల్యేలలో 93 శాతం మంది ఆస్తులు గత ఐదేళ్లలో 40 శాతం మేర పెరిగినట్లు అసోసియేషన్ ఫర్ డెమోక్రటిక్ రిఫార్మ్స్ వెల్లడించింది. 2018లో గెలిచిన ఎమ్మెల్యేల సగటు ఆస్తులు రూ.7.10 కోట్లు ఉండగా, ప్రస్తుతం వారి ఆస్తులు రూ.9.97 కోట్లకు పెరిగాయని ఏడీఆర్, రాజస్థాన్ ఎలక్షన్ వాచ్ సంస్థలు సంయుక్త విడుదల చేసిన నివేదికలో పేర్కొన్నారు. బికనీర్ తూర్పు నియోజకవర్గానికి ప్రాతినిధ్యం వహిస్తున్న బీజేపీ ఎమ్మెల్యే సిద్ధి కుమారి  ఆస్తులు గత ఐదేళ్లలో అత్యధికంగా పెరిగి రూ.97.61 కోట్ల నుంచి రూ.102.27 కోట్లకు పెరిగాయి.అసోసియేషన్ ఫర్ డెమోక్రటిక్ రిఫార్మ్స్, రాజస్థాన్ ఎలక్షన్ వాచ్ 2023 అసెంబ్లీ ఎన్నికలలో తిరిగి ఎన్నికల్లో పోటీ చేస్తున్న 173 మంది ఎమ్మెల్యేల అఫిడవిట్‌లను విశ్లేషించాయి. రాజస్థాన్‌లో తిరిగి ఎన్నికల్లో పోటీ చేస్తున్న 173 మంది ఎమ్మెల్యేలలో 161 మంది ఆస్తులు పెరగగా, మిగిలిన 12 మంది ఎమ్మెల్యేల ఆస్తులు 1 శాతం నుంచి 57 శాతానికి తగ్గాయి.2018లో ఈ ఎమ్మెల్యేల సగటు సంపద రూ.7.10 కోట్లు కాగా, ఇప్పుడు అది రూ.9.97 కోట్లకు పెరిగిందని నివేదికలో పేర్కొంది. 2018 ఎన్నికల్లో గెలిచిన తర్వాత మళ్లీ అసెంబ్లీ ఎన్నికల్లో పోటీ చేస్తున్న మొత్తం 173 మంది ఎమ్మెల్యేల్లో 93 శాతం మంది ఆస్తులు సగటున 40 శాతం పెరిగాయని నివేదిక పేర్కొంది.ఈస్ట్ నియోజకవర్గానికి చెందిన భారతీయ జనతా పార్టీ ఎమ్మెల్యే సిద్ధి కుమారి ఆస్తులు అత్యధికంగా రూ.97 కోట్లు పెరిగాయని నివేదిక పేర్కొంది. 2018లో కుమారి ఆస్తుల విలువ రూ.4.66 కోట్లు, అది ఇప్పుడు రూ.102 కోట్లుగా మారింది. ఇక, అంటా అసెంబ్లీ స్థానానికి ప్రాతినిధ్యం వహిస్తున్న కాంగ్రెస్‌ ఎమ్మెల్యే ప్రమోద్ జైన్ ఆస్తులు రూ. 27.31 కోట్ల నుంచి రూ.56.49 కోట్లకు పెరిగాయి. ఇక శివసేన ఎమ్మెల్యే ఆస్తులు 346 శాతం, సీపీఎం 217 శాతం, రాష్ట్రీయ లోక్‌ తాంత్రిక్ పార్టీ 184 శాతం ఆస్తులు కూడా పెరిగాయి.దీని తర్వాత కాంగ్రెస్‌కు చెందిన ప్రమోద్ జైన్ సంపద రూ.29 కోట్లకు పైగా పెరిగింది. 2018లో రూ.27.31 కోట్ల ఆస్తులు ఉండగా, 2023లో రూ.56.49 కోట్లకు పెరిగింది. అదే సమయంలో, భారత్ ఆదివాసీ పార్టీ నుంచి తిరిగి ఎన్నికల్లో పోటీ చేసిన ఏకైక ఎమ్మెల్యే ఆస్తుల్లో భారీగా పెరుగుదల కనిపించింది. 2018లో రూ.లక్ష విలువైన ఆస్తి ఉన్నచోట అది రూ.కోటికి చేరింది.కాంగ్రెస్ ఎమ్మెల్యేల ఆస్తుల్లో సగటున రూ.2 కోట్ల పెరుగుదల కనిపించింది. పార్టీల వారీగా మళ్లీ ఎన్నికల్లో పోటీ చేస్తున్న మొత్తం 99 మంది కాంగ్రెస్ ఎమ్మెల్యేల ఆస్తుల్లో సగటున రూ.2 కోట్లకు పైగా పెరుగుదల నమోదైంది. 2018లో ఈ నేతలకు మొత్తం రూ.8.41 కోట్ల ఆస్తి ఉండగా, అది ఇప్పుడు రూ.11.22 కోట్లకు పెరిగింది. ఈసారి 60 మంది ఎమ్మెల్యేలను మళ్లీ బరిలోకి దించింది బీజేపీ నిర్ణయించింది. ఈ ఎమ్మెల్యేల ఆస్తులు కూడా సగటున రూ.2 కోట్లకు పైగా పెరిగాయి. గత ఎన్నికల్లో సగటున రూ.5 కోట్లకు పైగా ఆస్తులు కలిగి ఉన్న ఆయన ఇప్పుడు రూ.8 కోట్లకు చేరారు.