ఆర్టీసీ బస్సులో మందేసీ…..చిందేసీ …

ఆర్టీసీ బస్సులో మందేసీ…..చిందేసీ …

Drinkers hungama in RTC bus…

మహబూబాబాద్
ప్రయాణికులను సురక్షితంగా గమ్యానికి చేర్చాల్సిన ఆర్టీసీ అధికారులే  బస్సులో మందు పార్టీ చేసుకున్నారు. పనిలో పనిగా చిందులేసారు. మహబూబాబాద్ జిల్లా తొర్రూరు ఆర్టీసీ డిపో పరిధిలో జరిగిన ముచ్చట. వివరాల్లోకి వెళ్తే…మొన్న టిజిఎస్ ఆర్టీసీ యూనియన్ పిలుపు మేరకు హైదారాబాద్ ఇందిర పార్క్ వద్ద ఆర్టీసీని ప్రభుత్వంలో విలీనం చేయాలని ధర్నాకు పిలుపునిచ్చారు. ఈ ధర్నాకు తెలంగాణ నలుమూలల నుండి ఆర్టీసీ అధికారులు పాల్గొన్నారు. ఇందులో భాగంగానే తొర్రూరు డిపో నుండి 10 మంది ఆర్టీసీ అధికారులు పాల్గొన్నారు. తిరిగి హైదారాబాద్ నుండి తొర్రూరు వెచ్చే క్రమంలో మందు షాపు కాడ ఆ మద్యం, మంచింగ్ కు. ముక్క గ్లాసులు, నీళ్లు తీసుకున్నారట. ఇంకేముంది బస్సులో వెనక సీట్లలో మందు కార్యక్రమం షురూ చేసారు. ఇందులో ఆ బస్సు కండక్టర్ కూడా ఉన్నాడు. ఇంతలో బస్సులో ఉన్న ప్రయాణికులకు మందు వాసన గప్పున రాగానే, ప్రయాణికుల్లో  ఒకరు లేచి బస్సులో చిన్నపిల్లలు ఉన్నారని అభ్యంతరం చెప్పాడు. అంతే, కండక్టర్  ప్రయాణికులపై విరుచుకు పడ్డాడు.  తతంగమంతా వీడియో తీసారు. సంబంధిత అధికారులు స్పందించి అట్టి మందుబాబులకు సస్పెండ్ చేయాలని డిమాండ్ చేస్తున్నారు.