కల్వకుంట్ల ఫ్యామిలీ పాలిటిక్స్…
హైదరాబాద్, మే 17, (వాయిస్ టుడే )
Kalvakuntla family politics...
బీఆర్ఎస్ పగ్గాలతో పాటు కేసీఆర్ రాజకీయ వారసత్వం కోసం వారసుల మధ్య ఆధిపత్య పోరు సాగుతున్నట్టు రాజకీయ వర్గాల్లో ప్రచారం జరుగుతోంది. కేసీఆర్ కుమారుడు కేటీఆర్, కుమార్తె కవితల మధ్య కనిపించని కోల్డ్‌ వార్‌ సాగుతున్నట్టు బీఆర్ఎస్ వర్గాల్లో గుసగుసలు వినిపిస్తున్నాయి.బీఆర్ఎస్ అధ్యక్షుడు కేసీఆర్ కుటుంబంలో పార్టీ పగ్గాలను చేపట్టే విషయంలో బయటకు కనిపించని పోరు సాగుతోందని కేటీఆర్, కవితల మధ్య దూరం పెరుగుతోందని ఆ పార్టీ వర్గాలు చెబుతున్నాయి. కేసీఆర్ కుమార్తె, ఎమ్మెల్సీ కల్వకుంట్ల కవితను పార్టీలో పక్కన బెట్టేందుకు సొంత సోదరుడు కేటీఆర్ ప్రయత్నిస్తున్నారనే అనుమానాలు బీఆర్ఎస్ వర్గాల్లో వ్యక్తమవుతున్నాయి.కేసీఆర్ కుటుంబానికి సన్నిహితంగా ఉండే పార్టీ నాయకుడు ఒకరు ఇప్పటికే బీఆర్ఎస్ వర్కింగ్ ప్రెసిడెంట్‌గా ఉన్న కేటీఆర్ పార్టీని నియంత్రించడం ప్రారంభించారని, కేసీఆర్ పార్టీ రోజువారీ కార్యకలాపాలలో దాదాపుగా చురుకుగా పాల్గొనడం ఆపేశారని వివరించారు.కేటీఆర్ త్వరలోనే బీఆర్ఎస్ రాష్ట్ర అధ్యక్షుడిగా బాధ్యతలు స్వీకరించవచ్చని, కేసీఆర్ రానున్న కాలంలో జాతీయ స్థాయిలో బీఆర్ఎస్ జాతీయ పార్టీ అధ్యక్షుడిగా మళ్లీ నియమితులవుతారని పార్టీలో చర్చ జరుగుతోంది” అని ఆ నాయకుడు వివరించారు.కేసీఆర్ మేనల్లుడు, మాజీ మంత్రి హరీశ్ రావు మంగళవారం పార్టీ అధ్యక్షుడిని చేస్తే కేటీఆర్ నాయకత్వంలో పనిచేయడానికి సిద్ధంగా ఉన్నానని ప్రకటించారు. “గత రెండు దశాబ్దాలుగా తాను కేసిఆర్‌కు విధేయుడిగా ఉన్నానని, ఆయన తీసుకునే ఏ నిర్ణయాన్నైనా అంగీకరిస్తాను” అని హరీష్‌ రావు అన్నారు.బీఆర్ఎస్ సీనియర్ నేత, మాజీ మంత్రి శ్రీనివాస్ గౌడ్ కేటీఆర్ …కేసీఆర్‌కు సహజ రాజకీయ వారసుడని చెప్పారు. “పార్టీలోని ప్రతి నేత, కార్యకర్తకు అది తెలుసని కేటీఆర్ నిస్సందేహంగా సమర్థుడైన నాయకుడని, ఆయనకు పార్టీ క్యాడర్‌లో ఆమోదం ఉంది” అని ఓ టెలివిజన్ ఛానెల్‌లో జరిగిన చర్చలో అన్నారు.మరోవైపు కేసీఆర్ కుమార్తె కవిత తనను తాను నాయకురాలిగా ప్రకటించుకోవడం ప్రారంభించారు. గత కొన్ని వారాలుగా ఆమె రాష్ట్రంలోని వివిధ ప్రాంతాలలో విస్తృతంగా పర్యటిస్తూ, ఓబిసిలు మరియు మహిళల సమస్యలపై మాట్లాడుతున్నారు.కవిత చర్యలు స్పష్టంగా కేటీఆర్‌కు చికాకు కలిగించింది, తన సోదరి పార్టీలో ప్రత్యామ్నాయ అధికార కేంద్రంగా అవ్వాలని కోరుకోవడం లేదు” అని బీఆర్ఎస్ నాయకులు చెబుతున్నారు.ఢిల్లీ మద్యం కుంభకోణంలో కవితను సీబీఐ అరెస్ట్‌ చేయడం, ఈడీ దర్యాప్తు ఎదుర్కోవడం, మద్యం కుంభకోణంలో జైలు శిక్ష అనుభవించడం వల్ల 2024 లో జరిగిన లోక్‌సభ ఎన్నికల్లో పార్టీ ఘోర పరాజయాన్ని ఎదుర్కోవాల్సి వచ్చిందని కేటీఆర్ భావిస్తున్నారని” అని పార్టీ నేత వివరణ ఇచ్చారు.తెలంగాణ జాగృతి అనే బీఆర్ఎస్ సంస్కృతి విభాగానికి నేతృత్వం వహిస్తున్న కవితను 2024 మార్చి 15న సిబిఐ ఢిల్లీ మద్యం విధాన కేసులో అరెస్టు చేసి, ఆగస్టు 27న జైలు నుండి విడుదల చేశారు.జైలు నుండి విడుదలైన కొన్ని నెలల తర్వాత కొంతకాలం నిశ్శబ్దంగా ఉన్న కవిత పార్టీలో తిరిగి రాజకీయాల్లో చురుకుగా పాల్గొనడం ప్రారంభించారు. జిల్లాల పర్యటనలు చేపట్టింది. తన రాజకీయ స్థానాన్ని తిరిగి పొందేందుకు ఆమె ఓబిసిల తరపున పోరాటాన్ని భుజానికి ఎత్తుకున్నారు.తెలంగాణ జాగృతి తరపున కవిత జనవరి 3న హైదరాబాద్‌లోని ఇందిరా పార్క్‌లో పెద్ద ర్యాలీ నిర్వహించి, విద్య మరియు ఉద్యోగాలలో ఓబిసిలకు 42% రిజర్వేషన్లను డిమాండ్ చేశారు. ఆమె తెలంగాణ కాంగ్రెస్ ప్రభుత్వం నిర్వహించిన కుల సర్వేలోని అసమానతలను లేవనెత్తి, అసెంబ్లీ ప్రాంగణంలో ఓబిసి నేత జ్యోతిబా ఫూలే విగ్రహం ఏర్పాటు చేయాలని డిమాండ్ చేసింది.
కవితకు ఓబీసీలపై కొత్తగా వచ్చిన ప్రేమ, బీఆర్ఎస్ అధికారంలో ఉన్నప్పుడు ఆమెకు ఎప్పుడూ లేదని ఈ పరిణామాలపై కేటీఆర్‌కు చాలా చికాకుగా ఉన్నారని, ఓబీసీలలో ఆమెకు దక్కుతున్న ఆకర్షణను ఆయన సహించలేకపోతున్నారని” అని రాజకీయ విశ్లేషకుడు మొహమ్మద్ జాకీర్ అన్నారు.ఏప్రిల్ 27న వరంగల్‌లోని ఎల్కతుర్తిలో జరిగిన పార్టీ సిల్వర్‌ జూబ్లీ వేడుకలలో భాగంగా జరిగిన బీఆర్ఎస్ ర్యాలీలో కవితకు ఎలాంటి ప్రాముఖ్యత ఇవ్వలేదు. “ర్యాలీలోని వేదికతో పాటు ఇతర ప్రాంతాలలో కేసీఆర్, కేటీఆర్ కటౌట్లు చిత్రాలు మాత్రమే ఉన్నాయి.వాటిలో కవిత చిత్రం ఒక్కటి కూడా లేదు” అని బీఆర్ఎస్ నాయకుడు గుర్తు చేశారు.మే 1న ఆమె నివాసంలో జరిగిన మే డే వేడుకలలో కవిత చేసిన ప్రకటన కూడా కుటుంబంలో అంతర్గత పోరును క్లైమాక్స్‌‌కు చేర్చింది. “భౌగోళిక తెలంగాణ రాష్ట్రం సాధించినా సామాజిక తెలంగాణ ప్రజలకు అందలేదు” అని కవిత అన్నారు.బీఆర్ఎస్ పాలనలో రైతుబంధు పథకం కింద రైతులకు ఎకరానికి రూ. 10,000 సహాయం అందించారని, ఒక రైతుకు 10 ఎకరాలు ఉంటే, ఆయనకు రూ. 1 లక్ష వచ్చేదని, భూమి లేని వ్యవసాయ కూలీలకు న్యాయం చేయడంలో మనం విఫలమయ్యాము” అని కవిత అన్నారు.సమాజంలోని ఈ అసమానతను తొలగించాల్సిన అవసరం ఉందని పేర్కొంటూ, “సామాజిక తెలంగాణ” సాధించడానికి పోరాడాలని కవిత పిలుపునిచ్చారు. పార్టీకి నేతృత్వం వహించేందుకు సిద్ధమవుతున్న కేటీఆర్‌కు ఇది పెద్ద ఇబ్బందిగా మారింది.కేటీఆర్ “ఆమె ప్రకటనను ఆయన తిరస్కరించలేడు అని, అలా చేస్తే అది ఓబీసీలను వ్యతిరేకించడానికి దారితీస్తుందని ఆమెకు మద్దతుగా ఆయన ఏదైనా ప్రకటన విడుదల చేస్తే, ఆమె నాయకత్వాన్ని అంగీకరించడమే అవుతుంది ” అని జాకీర్ అన్నారు.కొద్ది వారాలుగా సోషల్ మీడియాతో పాటు ప్రాంతీయ డిజిటల్ మీడియా సైట్లలో కవిత పార్టీలో తిరుగుబాటు చేస్తోందని, ఆమెకు ముఖ్యమైన స్థానం ఇవ్వకపోవడం వల్ల అని కథనాలు వచ్చాయి.ఒక వెబ్‌సైట్ కవిత రియల్ ఎస్టేట్ వ్యాపారంలోకి దిగి రేవంత్ రెడ్డి ప్రభుత్వం నుంచి లబ్ది పొందాలని భావిస్తున్నారని ఆరోపిస్తే, మరో డిజిటల్ మీడియా సైట్ ఆమెను మరో వైఎస్ షర్మిలగా వర్ణించింది.మే 10న విలేఖరులతో మాట్లాడుతూ, తనపై జరుగుతున్న ప్రతికూల ప్రచారం వెనుక ఎవరు ఉన్నారో తనకు బాగా తెలుసునని కవిత అన్నారు. “నేను ఆరు నెలలు జైలులో బాధపడటం చాలదు కదా? నన్ను మరింత బాధపెట్టాలనుకుంటున్నారా?” అని ఆమె అబద్ధాలను వ్యాప్తి చేసేవారిని అడిగారు. తనకు వ్యతిరేకంగా దురుద్దేశ్యంతో వార్తలు వ్యాప్తి చేస్తున్న వారి గురించి తనకు తెలుసునని, సరైన సమయంలో వారిని బహిర్గతం చేస్తానని ఆమె చెప్పారు.కవిత ఇటీవల “సామాజిక తెలంగాణ” ప్రచారాన్ని సమర్ధించారు. 47 నియోజకవర్గాల పర్యటనలో కలిసిన ప్రజల అభిప్రాయాలను మాత్రమే వ్యక్తం చేసినట్టు చెప్పారు. తనపై జరుగుతున్న అబద్ధ ప్రచారానికి బీఆర్ఎస్ స్పందించాలని డిమాండ్ చేశారు. ప్రత్యర్థులు మరింతగా రెచ్చగొట్టబడితే మరింత బలంగా తీవ్రంగా స్పందిస్తానని హెచ్చరించారు.కవితకు దగ్గరగా ఉన్న మరో బీఆర్ఎస్ నేత, కవిత జిల్లా పర్యటనల సమయంలో ఆమె నిర్వహించే ఏ సమావేశాలకు హాజరు కావద్దని కేటీఆర్ పార్టీ జిల్లా యూనిట్లకు సూచనలు ఇచ్చారని అన్నారు.గత నెల కవిత కామారెడ్డి జిల్లాను సందర్శించినప్పుడు, జిల్లా పార్టీ అధ్యక్షుడు మరియు కామారెడ్డి మాజీ ఎమ్మెల్యేతో సహా బీఆర్ఎస్ నేతలు ఎవరూ హాజరు కాలేదు. సోమవారం ఆమె ములుగుకు వచ్చినప్పుడు కూడా స్థానిక బీఆర్ఎస్ నేతలు ఆమెను పట్టించుకోలేదు, ఇది గతంలో ఎప్పుడూ జరగలేదు” అని పార్టీ నేత వివరించారు. పార్టీలోని తాజా పరిణామాలపై వ్యాఖ్యానించడానికి కేటీఆర్ అందుబాటులోకి రాలేదు.
