కరీంనగర్ మేయర్ ఎన్నికపై మంత్రి పొన్నం ప్రభాకర్ వ్యాఖ్యలు
వాయిస్ టుడే న్యూస్
Minister Ponnam Prabhakar’s comments on the Karimnagar Mayor election
కరీంనగర్: కరీంనగర్ మున్సిపల్ కార్పొరేషన్లో మేయర్ ఎన్నిక నేపథ్యంలో మంత్రి పొన్నం ప్రభాకర్ స్పందించారు. కరీంనగర్ కార్పొరేషన్లో మొత్తం 69 మంది సభ్యులు ఉన్నారని, అందులో బీజేపీకి 30 మంది సభ్యులు గెలిచారని తెలిపారు. మెజారిటీ అంశంపై తుది నిర్ణయం కార్పొరేటర్ల ఎన్నిక ప్రక్రియలోనే తేలుతుందని చెప్పారు.
నిజామాబాద్ మున్సిపల్ కార్పొరేషన్లో 60 సీట్లకు గాను బీజేపీ 28 సీట్లు గెలుచుకున్నప్పటికీ మెజారిటీ లేకపోవడంతో ప్రతిపక్షంలో కూర్చుంటామని అక్కడి నేతలు ప్రకటించిన విషయాన్ని ఆయన ప్రస్తావించారు. అదే విధంగా కరీంనగర్లో కూడా సంఖ్యాబలం అంశం ప్రజాస్వామ్య విధానంలో నిర్ణయించబడాలని అభిప్రాయపడ్డారు.
మేయర్ ఎన్నిక ప్రజాస్వామ్య ప్రక్రియలో భాగమని, గెలిచిన కార్పొరేటర్లు కలిసి మేయర్ను ఎన్నుకుంటారని తెలిపారు. రాష్ట్ర ప్రభుత్వ జోక్యం లేదని, స్థానిక ప్రజాప్రతినిధులు వారి నిర్ణయాలకు అనుగుణంగా వ్యవహరిస్తారని స్పష్టం చేశారు.
బీజేపీ తరఫున గెలిచిన 30 మంది కార్పొరేటర్లకు, ఇతర పార్టీలకు చెందిన 36 మంది కార్పొరేటర్లకు అభినందనలు తెలిపారు. కరీంనగర్ నగర అభివృద్ధి దిశగా అన్ని వర్గాలూ కలిసి పనిచేయాలని ఆకాంక్షించారు.
ఇండిపెండెంట్ సభ్యులను కలుపుకోవడం వంటి అంశాలపై వివిధ పార్టీలకు తమ తమ వ్యూహాలు ఉంటాయని పేర్కొన్నారు. 16వ తేదీన జరిగే ప్రక్రియలో తుది పరిణామాలు వెలుగులోకి వస్తాయని అన్నారు.
జిల్లా మంత్రిగా కొత్త పాలకవర్గానికి అభివృద్ధి కార్యక్రమాల్లో సహకారం అందిస్తామని మంత్రి పొన్నం ప్రభాకర్ తెలిపారు.
