త్వరలో రామ్ చరణ్, సుకుమార్ ల ప్రాజెక్టు
Ram Charan and Sukumar’s project coming soon
రామ్ చరణ్ – సుకుమార్ కాంబోలో వచ్చిన ‘రంగస్థలం’ ఎంత పెద్ద విజయాన్ని అందుకొందో ప్రత్యేకంగా చెప్పాల్సిన పనిలేదు. కమర్షియల్ హిట్ అనేది పక్కన పెడితే – రామ్ చరణ్లోని నటుడ్ని పూర్తి స్థాయిలో ఆవిష్కరించిన సినిమా ఇది. ‘రంగస్థలం’ కంటే ‘ఆర్.ఆర్.ఆర్’ పెద్ద హిట్ అయినా.. ఇప్పటికీ ‘రంగస్థలం’ అంటేనే చరణ్ ఫ్యాన్స్ కి ఇష్టం. అందుకే చరణ్ – సుకుమార్ కాంబో మళ్లీ రిపీట్ అయితే చూడాలన్నది అభిమానుల ఆశ.. `పెద్ది ` అవ్వగానే.. చరణ్ – సుక్కుల సినిమా సెట్స్ పైకి వెళ్లబోతోంది. అయితే ఇప్పటి వరకూ సుకుమర్ చరణ్కు కథేం చెప్పలేదన్న గుసగుసలు కాస్త గట్టిగా వినిపిస్తున్నాయి. . ‘పెద్ది’ పనులన్నీ అయిపోయిన తరవాత రెండో కథేమిటన్నది చరణ్కి తెలుస్తుంది. ఈలోగా పూర్తి స్థాయిలో ఆ కథని రెడీ చేసే పనిలో ఉన్నాడు సుకుమార్.‘రంగస్థలం’ సినిమా సమయంలోనూ అంతే. మొదట రామ్ చరణ్కి వేరే కథ వినిపించాడు సుకుమార్. ఆ తరవాత జరిగిన ప్రోసెస్ లో ‘రంగస్థలం’ కథ పుట్టింది. అది చరణ్కి బాగా నచ్చింది. ఈసారీ.. అదే జరగబోతోంది. కాకపోతే ఈ రెండు కథల్లో ఏది చేయాలి అనేది పూర్తిగా చరణ్ ఇష్టం.
