ఫొటో మిస్ అవ్వొద్దన్న మోదీ
![Robot Chai for Modi](https://voicetodaynews.com/wp-content/uploads/2023/09/modi1-5.jpg)
అహ్మదాబాద్: ప్రధానమంత్రి నరేంద్ర మోదీ (PM Modi) తన సొంత రాష్ట్రం గుజరాత్ (Gujarat)లో పర్యటిస్తున్నారు. ‘వైబ్రంట్ గుజరాత్ సమ్మిట్’ 20వ వార్షికోత్సవం సందర్భంగా అహ్మదాబాద్లో ఏర్పాటు చేసిన కార్యక్రమంలో ప్రధాని పాల్గొన్నారు..
![Robot Chai for Modi](https://voicetodaynews.com/wp-content/uploads/2023/09/modi1a-1.jpg)
ఈ కార్యక్రమ ప్రాంగణంలో ఏర్పాటు చేసిన రోబోటిక్స్ గ్యాలరీ (Robotics Gallery)ని ఆయన వీక్షించారు. ఈ సందర్భంగా ఆ గ్యాలరీలో ప్రదర్శించిన ఓ రోబో మోదీకి ఛాయ్ (Chai) ఇచ్చింది. ఇందుకు సంబంధించిన ఫొటోలు, వీడియోలను ప్రధాని సామాజిక మాధ్యమాల్లో పంచుకున్నారు. ”గుజరాత్ సైన్స్ సిటీలో రోబోటిక్స్ గ్యాలరీ ఎంతగానో ఆకట్టుకుంది. రోబో మాకు ఛాయ్ ఇచ్చిన ఫొటోను మిస్ అవ్వొద్దు” అని మోదీ ఆ ఫొటోలను క్యాప్షన్ ఇచ్చారు. ఈ గ్యాలరీలో అధునాతన రోబోలను ఆసక్తిగా తిలకించిన ప్రధాని.. వాటిని తన ఫోన్లో ఫొటోలు తీసుకున్నారు..