8న సీనియర్ బేస్ బాల్ క్రీడాకారుల ఎంపిక

బేస్ బాల్ అసోసియేషన్ జిల్లా అధ్యక్షులు తిరుపతి

జగిత్యాల: తెలంగాణ బేస్ బాల్ అసోసియేషన్ ఆధ్వర్యంలో సీనియర్ బేస్ బాల్ ఆటలో ఎంపికలు జరుగుతున్నాయని అర్హులైన క్రీడా కారులు దరఖాస్తు చేసుకోవాలని బేస్ బాల్ అసోసియేషన్ జగిత్యాల జిల్లా అధ్యక్షులు దప్ప తిరుపతి కోరారు. మంగళవారం విడుదల చేసిన ప్రకటనలో ఈ నెల 9 న మెదక్ జిల్లా మనోహారాబాద్ లో సీనియర్ బేస్ బాల్ సెలక్షన్ ట్రయల్ ఉన్నాయని వీటికై జగిత్యాల జిల్లా పరిధిలోని అర్హులైన సీనియర్ బేస్ బాల్ క్రీడాకారులను ఎంపిక చేయనున్నామన్నారు. ఈ నెల 8 న జగిత్యాలలోని వివేకానంద మినీ స్టేడియంలో ఉదయం 9 గంటల నుంచి ఎంపిక కోసం ఏర్పాట్లు చేశామని క్రీడాకారులు వారి ఆధార్ కార్డు తీసుకొని రావాలని జిల్లా అధ్యక్షులు దప్ప తిరుపతి కోరారు. ఆయన వెంట ఆ అసోసియేషన్ ప్రధాన కార్యదర్శి మహేష్, సీనియర్ క్రీడాకారులు, పి.ఈ.టీలు ఉన్నారు.