ఘనంగా హీరో వరుణ్ సందేశ్ “విరాజి” మూవీ టైటిల్ అనౌన్స్ మెంట్
ఇటీవల “నింద” మూవీతో మంచి సక్సెస్ అందుకున్న హీరో వరుణ్ సందేశ్ తన కొత్త సినిమా “విరాజి” తో ప్రేక్షకుల ముందుకు రాబోతున్నారు. ఈ చిత్రాన్ని మహా మూవీస్ తో కలిసి ఎమ్ 3 మీడియా బ్యానర్ పై మహేంద్ర నాథ్ కూండ్ల నిర్మిస్తున్నారు. విరాజి చిత్రంతో ఆద్యంత్ హర్ష దర్శకుడిగా పరిచయమవుతున్నారు. అన్ని కార్యక్రమాలు పూర్తి చేసుకున్న ఈ సినిమా ప్రపంచవ్యాప్తంగా ఆగస్టు 2న గ్రాండ్ థియేట్రికల్ రిలీజ్ కు సిద్ధమవుతోంది. ఈ రోజు విరాజి సినిమా టైటిల్ అనౌన్స్ మెంట్ కార్యక్రమం హైదరాబాద్ ప్రసాద్ ల్యాబ్స్ లో ఘనంగా నిర్వహించారు. ఈ సందర్భంగా
నిర్మాత మహేంద్ర నాథ్ కూండ్ల మాట్లాడుతూ – విరాజి చాలా మంచి టైటిల్. వరుణ్ సందేశ్ గారు ఇప్పటిదాకా ఎన్నో మంచి మూవీస్ చేశారు. హీరోగా పేరు తెచ్చుకున్నారు. ఆయనను కొత్త అవతారం లో చూపించే చిత్రమిది. మూవీ చాలా బాగా వచ్చింది. ఆగస్టు 2న రిలీజ్ చేయాలని అనుకుంటున్నాను. ఈ నెల రోజులు బాగా ప్రమోట్ చేయాలని ప్లాన్ చేశాం. మేము కొత్త వాళ్లుగా ఇండస్ట్రీలో నిలదొక్కుకోవాలంటే మీ అందరి సపోర్ట్ కావాలని కోరుకుంటున్నా. అన్నారు.
నటి ప్రమోదిని మాట్లాడుతూ – విరాజి ఎంత మంచి పేరో సినిమా కూడా అంతే బాగుంటుంది. ఈ చిత్రంలో నేనొక ఇంపార్టెంట్ రోల్ చేశాను. సినిమా కంప్లీట్ అయ్యింది. ప్రొడ్యూసర్ గారు చెప్పినట్లు ప్రమోషన్ చేసి గ్రాండ్ గా రిలీజ్ చేయబోతున్నాం. విరాజి ని ప్రేక్షకుల దగ్గరకు చేర్చడంలో మీ అందరి సపోర్ట్ ఉంటుందని ఆశిస్తున్నాను. అన్నారు.
నటుడు రఘు కారుమంచి మాట్లాడుతూ – మా మూవీకి డైరెక్టర్ హర్ష విరాజి అనే మంచి తెలుగు టైటిల్ పెట్టారు. ఈ సినిమాలో నేను నటించాలని పట్టుబట్టి మరీ తీసుకొచ్చాడు హర్ష. ఉదయం 6 గంటల నుంచి అతని ఫోన్స్ మొదలయ్యేవి. ఈ సినిమాలో నటించడం వల్ల సహ నటీనటుల రూపంలో నాకు మంచి మిత్రులు దొరికారు. నా ప్రపంచంలోకి వారు వచ్చారు. వరుణ్ సందేశ్ తో సినిమా చేయడం హ్యాపీగా ఉంది. విరాజి ఎంత బాగుంటుంది అనేది మీరు ఆగస్టు 2న థియేటర్స్ లో చూస్తారు. అన్నారు.
నటుడు ఫణి మాట్లాడుతూ – నేను యాంగర్ టేల్స్ అనే మూవీ చేశాను. విరాజి నాకు రెండో సినిమా. ఈ చిత్రంలో నటించే అవకాశం ఇచ్చిన దర్శకుడు హర్ష, నిర్మాత మహేంద్ర గారికి థ్యాంక్స్ చెబుతున్నా. ఇంటర్ లో ఉన్నప్పుడు వరుణ్ గారి హ్యాపీ డేస్ సినిమా చూసి ఆ సినిమా ఇచ్చిన ఇన్సిపిరేషన్ తో డిగ్రీ కంప్లీట్ చేశా. విరాజి మా అందరికీ చాలా మంచి మూవీ అవుతుంది. అన్నారు.
మ్యూజిక్ డైరెక్టర్ ఎబినెజర్ పాల్ (ఎబీ) మాట్లాడుతూ – విరాజి సినిమా కోసం ప్రొడ్యూసర్ మహేంద్ర, డైరెక్టర్ హర్ష నన్ను అప్రోచ్ అయ్యారు. ఈ మూవీ కి మ్యూజిక్ చేసేందుకు చాలా ఫ్రీడమ్ ఇచ్చారు. బీజీఎం కోసం 45 డేస్ వర్క్ చేశాం. సినిమా మిమ్మల్ని తప్పకుండా ఆకట్టుకుంటుంది. ఆగస్టు 2న థియేటర్స్ లో చూడండి. అన్నారు.
దర్శకుడు ఆద్యంత్ హర్ష మాట్లాడుతూ – విరాజి దర్శకుడిగా నా మొదటి సినిమా. ఇది మా సినిమా ఫస్ట్ ప్రమోషనల్ ఈవెంట్ . విరాజి సినిమా కోసం నేను ఇద్దరు వ్యక్తులకు థ్యాంక్స్ చెప్పాలి. ఒక మా మూవీ ప్రాజెక్ట్ హెడ్ సుకుమార్ కిన్నెర గారు. ఆయన కథ విని ప్రొడ్యూసర్ మహేంద్ర గారి దగ్గరకు తీసుకెళ్లారు. మహేంద్ర గారు ఒక ప్రొడ్యూసర్ గానే కాకుండా ఒక టెక్నీషియన్ గా కూడా మా మూవీకి వర్క్ చేశారు. ఆయన ఎంతో సపోర్ట్ చేశారు. మరో ఇంపార్టెంట్ వ్యక్తి వరుణ్ సందేశ్. ఆయన ఎంతో చొరవగా విరాజి మూవీ చేశారు. త్వరలో రివీల్ చేసే మా మూవీ ఫస్ట్ లుక్ చూస్తే మీరు తప్పకుండా ఇంప్రెస్ అవుతారు. ఇది వరుణ్ సందేశ్ కు టైలర్ మేడ్ మూవీ. మా మూవీ కాస్టింగ్ అందరికీ థ్యాంక్స్. అలాగే నాతో ఉండి స్క్రీన్ ప్లే డైలాగ్స్ లో సపోర్ట్ చేసిన శ్రీకాంత్ వర్మకు థ్యాంక్స్. మా అసిస్టెంట్ డైరెక్టర్స్ అంతా చాలా కష్టపడ్డారు. వారికి కృతజ్ఞతలు చెబుతున్నా. అన్నారు.
హీరో వరుణ్ సందేశ్ మాట్లాడుతూ – విరాజి కథ చెప్పేందుకు హర్ష నా దగ్గరకు వచ్చాడు. ఫస్టాఫ్ వింటున్నప్పుడు పది నిమిషాల తర్వాత కథ ఇలా ఉంటుందేమో అని రెండు మూడు చోట్ల గెస్ చేశాను. సెకండాఫ్ కు వచ్చేసరికి గూస్ బంప్స్ వచ్చాయి. కథ చాలా బాగుందని హర్ష కు చెప్పాను. ఈ సినిమా తప్పకుండా చేయాలని ఫిక్స్ అయ్యా. మా డైరెక్టర్ హర్ష కు ఇది మొదటి సినిమా కానీ ఆయన చేయబోయే చాలా సినిమాలకు ఇది మొదటి సినిమా. హర్ష కు లాంగ్ కెరీర్ ఉంటుంది. నేను రీసెంట్ గా చేసిన నింద మూవీ కి మంచి ఓపెనింగ్స్ వచ్చాయి. ఓ పదేళ్ల తర్వాత నా మూవీ కి అలాంటి ఓపెనింగ్స్ చూశాను. నింద సక్సెస్ నాకు మంచి మోటివేషన్, బూస్ట్ ఇచ్చింది. నింద డైరెక్టర్ రాజేశ్ కు రెండు పెద్ద ప్రొడక్షన్స్ నుంచి సినిమా చేసేందుకు పిలుపులు వచ్చాయి. హర్ష కు కూడా అలాంటి బ్రైట్ ఫ్యూచర్ ఉంటుంది. ఇవాళ్టికి ఎగ్జాక్ట్ గా నెల రోజుల సమయం ఉంది మా సినిమా రిలీజ్ కు. ఇవాళ్టి నుంచి ప్రమోషన్ స్టార్ట్ చేశాం. మీ అందరికీ తప్పకుండా నచ్చే సినిమా అవుతుంది. విరాజి నేను నా 17 ఏళ్ల కెరీర్ లో చేయని ఒక డిఫరెంట్ మూవీ. అలాంటి మోస్ట్ క్రేజియెస్ట్ క్యారెక్టర్ ఇందులో చేశాను. ఈ నెల 10వ తేదీన విరాజి ఫస్ట్ లుక్ రిలీజ్ చేస్తాం. మీరు చూడగానే సర్ ప్రైజ్ అవుతారు. ఈ క్యారెక్టర్ కోసం రెడీ అయ్యేందుకు గంట సమయం పట్టేది. నేను విరాజి మూవీ రిలీజ్ కోసం ఎగ్జైటెడ్ గా వెయిట్ చేస్తున్నాను. మా ప్రొడ్యూసర్ మహేంద్ర నాకు బ్రదర్ లాంటి వారు. ఈ మూవీని ప్రేక్షకుల దగ్గరకు బాగా రీచ్ చేయాలని ప్లాన్ చేస్తున్నారు. విరాజి సినిమాకు పనిచేసిన వారంతా ప్యాషన్ తో వర్క్ చేశారు. మా సినిమా కు మీరంతా సపోర్ట్ చేయాలని కోరుకుంటున్నా. అన్నారు.
సినిమా పేరు: విరాజి
నటీనటులు: వరుణ్ సందేశ్, రఘు కారుమంచి, ప్రమోదిని, బలగం జయరామ్, వైవా రాఘవ, రవితేజ నన్నిమాల, కాకినాడ నాని, ఫణి ఆచార్య, అపర్ణాదేవి, కుశాలిని పూలప, ప్రసాద్ బెహరా, తదితరులు…