భూమి పునరుద్ధరణ కోసం స్వచ్ఛంద కార్యాచరణ

భూమి పునరుద్ధరణ కోసం స్వచ్ఛంద కార్యాచరణ

Voluntary activity for land restoration

హైదరాబాదు, జనవరి 27
భూమి పర్యావరణ పునరుద్ధరణకు ప్రాధాన్యత ఇస్తూ, సరస్సు చుట్టుపక్కల శుభ్రపరిచే కార్యక్రమాన్ని ASEZ (A to Z Save the Earth) విశ్వవిద్యాలయ విద్యార్థుల స్వచ్ఛంద సమూహం నిర్వహించింది. ఈ కార్యక్రమంలో గ్రేటర్ హైదరాబాద్ నగర డిప్యూటీ మేయర్ మోతె శ్రీలత శోభన్ రెడ్డి ముఖ్య అతిథిగా పాల్గొన్నారు.
ఈ కార్యక్రమం సంజీవయ్య పార్క్ వద్ద ఉదయం 8:30 గంటలకు ప్రారంభమైంది. దాదాపు 200 ASEZ సభ్యులు పర్యావరణ పరిరక్షణలో భాగస్వామ్యమై సరస్సు చుట్టుపక్కల శుభ్రపరిచారు. కాలేజీ విద్యార్థుల సమూహం పర్యావరణ పరిరక్షణలో తమ బాధ్యతను చాటిచెప్పింది.
డిప్యూటీ మేయర్ మోతె శ్రీలత శోభన్ రెడ్డి  మాట్లాడుతూ, “యువతగా మీరు చేపట్టిన ఈ పర్యావరణ కార్యాచరణ గొప్పది, మమ్మల్ని ఆహ్వానించినందుకు ధన్యవాదాలు, ముఖ్యమంత్రి రేవంత్ రెడ్డి గారి నుండి మీకు అవసరమైన అన్ని విధాల సహాయం అందించడానికి మేము సిద్ధంగా ఉన్నాము” అని పేర్కొన్నారు.