హైదరాబాద్ MSMEలకు గ్లోబల్ గేట్‌వే!

FTAs, AI, ఎగుమతులు, సాంకేతికతపై గ్లోబల్ రైజ్ 2026లో పరిశ్రమ ప్రముఖుల చర్చ

హైదరాబాద్, సెప్టెంబర్ 25:  వాయిస్ టుడే

అంతర్జాతీయ మార్కెట్లలో అవకాశాలను అందిపుచ్చుకునేందుకు హైదరాబాద్‌కు చెందిన MSMEలు సాంకేతికత, కృత్రిమ మేధ (AI), ఫ్రీ ట్రేడ్ అగ్రిమెంట్లు (FTAs), ఎగుమతులపై మరింత దృష్టి సారించాల్సిన అవసరం ఉందని గ్లోబల్ రైజ్ 2026–హైదరాబాద్ ఎడిషన్‌లో పరిశ్రమ ప్రముఖులు పేర్కొన్నారు.

వివాంత బై తాజ్‌లో SMBConnect ఆధ్వర్యంలో నిర్వహించిన ఈ కార్యక్రమానికి సుమారు 130 మంది పరిశ్రమ ప్రతినిధులు, వ్యాపారవేత్తలు, నిపుణులు, మీడియా ప్రతినిధులు హాజరయ్యారు. Global RISE 2026 – The Next Phase of India’s Growth 15 నగరాల బిజినెస్ సిరీస్‌లో హైదరాబాద్ ఆరో వేదికగా నిలిచింది.

హైదరాబాద్‌కు ఫార్మా, లైఫ్ సైన్సెస్, టెక్నాలజీ, బయోటెక్నాలజీ, ఏరోస్పేస్ తదితర రంగాల్లో ఉన్న పారిశ్రామిక బలాన్ని అంతర్జాతీయ మార్కెట్లతో అనుసంధానించడంపై సమావేశంలో చర్చ జరిగింది. ముఖ్యంగా MSMEలు పెద్ద సరఫరా గొలుసుల్లో భాగస్వాములు కావడం, ఎగుమతి అవకాశాలను వినియోగించుకోవడం, కొత్త సాంకేతికతలను వ్యాపార కార్యకలాపాల్లోకి తీసుకురావడంపై నిపుణులు సూచనలు చేశారు.

హైదరాబాద్ మేనేజ్‌మెంట్ అసోసియేషన్ అధ్యక్షుడు శరత్ మారోజు నగరంలోని ఇన్నోవేషన్ ఎకానమీ, MSMEల గ్లోబల్ వృద్ధిపై కీలకోపన్యాసం చేశారు. అనంతరం AI ఆధారిత వ్యాపార పరిష్కారాలు, సాంకేతికత వినియోగంపై నిపుణులు ప్రజెంటేషన్లు ఇచ్చారు.

“From Innovation to Industry: Scaling Hyderabad’s Pharma, Life Sciences & Advanced Manufacturing MSMEs” అంశంపై జరిగిన చర్చలో CII స్టేట్ కౌన్సిల్ సభ్యుడు, పవర్ డైనమిక్స్ CEO ఎల్.వి.వి. కమలాకర్, SGA Pvt. Ltd. MD & CEO శాచి మహేశ్వరి, తెలంగాణ పవర్ జనరేషన్ కార్పొరేషన్ డైరెక్టర్ (ఫైనాన్స్ & కమర్షియల్) జి.వి. మహేందర్, GENICA Biosciences వ్యవస్థాపకురాలు డాక్టర్ రూపా జోన్స్ పాల్గొన్నారు.

అంతర్జాతీయ వాణిజ్యంపై జరిగిన “How FTAs Can Accelerate Hyderabad’s Export Growth” చర్చలో BRICS Chamber of Commerce & Industry గౌరవ సలహాదారు ఉమా పేరి మోడరేటర్‌గా వ్యవహరించగా, The Diplomatic Club సహ వ్యవస్థాపకుడు డాక్టర్ సీఎస్ తస్నీమ్ షరీఫ్ పాల్గొన్నారు. FTAs ద్వారా కొత్త మార్కెట్లను గుర్తించడం, ఎగుమతులకు అవసరమైన సిద్ధత, అంతర్జాతీయ ప్రమాణాలపై అవగాహన వంటి అంశాలపై చర్చించారు.

AI వినియోగంపై జరిగిన మరో ప్యానెల్‌లో వ్యాపార కార్యకలాపాల్లో AIని అనుసంధానం చేయడం, నిర్ణయాల సామర్థ్యం, ఆపరేషనల్ ఎఫిషియెన్సీ, వ్యాపార విస్తరణలో సాంకేతికత పాత్రపై నిపుణులు వివరించారు.

కార్యక్రమానికి Govin Capital వ్యవస్థాపకుడు, CEO డాక్టర్ ఆనంద్ గోవిందలూరి గెస్ట్ ఆఫ్ హానర్‌గా హాజరయ్యారు. అనంతరం Global RISE Awards 2026 ద్వారా వ్యాపార రంగంలో ప్రతిభ కనబరిచిన వారిని సత్కరించారు.

ఈ సందర్భంగా SMBConnect వ్యవస్థాపకుడు, డైరెక్టర్ సందీపన్ రే మాట్లాడుతూ హైదరాబాద్‌కు బలమైన పారిశ్రామిక పునాది, టెక్నాలజీ సామర్థ్యం ఉన్నాయని, అంతర్జాతీయ వాణిజ్య అవకాశాల్లో MSMEలు కూడా భాగస్వాములు కావాల్సిన అవసరం ఉందన్నారు. ప్రాంతీయ వ్యాపార సామర్థ్యాన్ని అంతర్జాతీయ అవకాశాలతో అనుసంధానించడమే Global RISE లక్ష్యమని పేర్కొన్నారు.

అహ్మదాబాద్, పుణె, భువనేశ్వర్, పాట్నా, కోయంబత్తూర్ తర్వాత హైదరాబాద్‌లో జరిగిన ఈ కార్యక్రమం ద్వారా స్థానిక MSMEలు, పరిశ్రమలు, నిపుణుల మధ్య అంతర్జాతీయ వాణిజ్యం, సాంకేతికత, వ్యాపార విస్తరణపై చర్చలకు వేదిక ఏర్పడింది.