తిను పదార్థాలను శుభ్రంగా ఉంచాలి
-హోటల్స్, స్వీట్ హౌస్, ఫాస్ట్ ఫుడ్ సెంటర్స్ యజమానులకు సూచించిన మున్సిపల్ చైర్మన్ పెండ్రు రమా సురేష్ రెడ్డి
మంథని
Food should be kept clean
మంథని మున్సిపాలిటీ పరిధిలోనీ హోటల్స్, స్వీట్ హౌస్, ఫాస్ట్ ఫుడ్ సెంటర్స్, తోపుడు బండ్ల యజమానులు వర్షాకాలంలో సంభవించే సీజనల్ వ్యాధులను దృష్టిలో ఉంచుకొని తిను పదార్థాలను శుభ్రంగా ఉంచుకోవాలని మున్సిపల్ చైర్మన్ పెండ్రు రమా సురేష్ రెడ్డి సూచించారు.
మంగళవారం మంథని పురపాలక సంఘం కార్యాలయంలో తినుబండారాల వ్యాపారస్తులతో మున్సిపల్ చైర్ పర్సన్ పెండ్రి రమ సురేష్ రెడ్డి అధ్యక్షతన మున్సిపల్ కమిషనర్ గుట్టల మల్లికార్జున స్వామి ప్రత్యేక సమావేశాన్ని నిర్వహించారు. ఈ సందర్భంగా వ్యాపారులతో మున్సిపల్ చైర్ పర్సన్ రమా సురేష్ రెడ్డి మాట్లాడుతూ తిను పదార్థాల వల్ల ప్రజలకు ఎలాంటి ఆరోగ్య సమస్యలు రాకుండా చర్యలు తీసుకోవాలని తెలిపారు. వర్షాకాలంలో తీసుకునే జాగ్రత్తలు తూచా తప్పకుండా పాటించాలని లేనియెడల తగు చర్యలు తీసుకుంటామన్నారు.
ఈ కార్యక్రమంలో వైస్ చైర్మన్ శ్రీపతి బానయ్య, పాలక వర్గ సభ్యులు శ్గుండా విజయ లక్ష్మి పాపారావు, వి కే రవి లతో పాటు వ్యాపారులు అధిక సంఖ్యలో పాల్గొన్నారు.