కొంప ముంచిన గూగుల్ మ్యాప్
తీరా చూస్తే కాలువలో కారు..నలుగురు సురక్షితం
తిరువనంత పురం మే 25
న్యూ స్); ప్రస్తుత కాలంలో ప్రతి ఒక్కరూ ఎక్కువ దూరం ప్రయాణం చేయడానికి ఇష్టపడుతుంటారు. అదీ కూడా సొంత వాహనం బైక్ లేదా కారులో వెళ్లడానికే మక్కువ చూపుతారు. ఇది లేటెస్ట్ ట్రెండ్గా కూడా మారిపోయింది. అయితే కొత్త ప్రదేశాలకు వెళ్లేటప్పుడు ప్రతి ఒక్కరు రూట్ గురించి ఉపయోగించే అస్త్రం గూగుల్ మ్యాప్. ఇప్పుడు ఇదే గూగుల్ మ్యాప్ కొందరి పాలిట శాపంగా మారుతోంది. ఎందుకంటే కొన్నిసార్లు నావిగేషన్ సక్రమంగా చూపిస్తున్నా, కొన్ని ప్రాంతాలకు వెళ్లేటప్పుడు మాత్రం నావిగేషన్ చూపించడం లేదు. దీంతో కొత్తగా వెళ్లే వారు నదులు, కాలువల్లోకి వెళ్లిపోతున్నారు. తాజాగా అలాంటి సంఘటనే కేరళలో జరిగింది.
నావిగేట్ చేయడానికి గూగుల్ మ్యాప్లను ఉపయోగించడం వల్ల హైదరాబాద్కు చెందిన ఒక పర్యాటక బృందం కేరళలోని నీటి ప్రవాహంలో చిక్కుకున్నారు. ఈ సంఘటన దక్షిణ కేరళ జిల్లాలోని కురుప్పంతర సమీపంలో జరిగింది. ఈ ప్రమాదంలో మహిళతో సహా నలుగురు సభ్యులు బృందం ఉంది. ఈ సంఘటన శుక్రవారం జరగగా ఆలస్యంగా వెలుగులోకి వచ్చింది. అయితే వారంతా క్షేమంగా బయటపడ్డారు.
స్థానికులు, కేరళ పోలీసులు తెలిపిన వివరాల ప్రకారం హైదరాబాద్కు చెందిన ఓ నలుగురు సభ్యుల పర్యాటక బృందం కారులో అలప్పుళ ప్రాంతానికి వచ్చి శుక్రవారం అర్ధరాత్రి కురుప్పంతర వైపు వెళుతున్నారు. వారు గూగుల్ మ్యాప్ను ఉపయోగిస్తూ నావిగేట్ చేసుకుంటూ వెళ్లారు. ఇంతలో కురుప్పంతర సమీపంలోకి వచ్చే సరికి భారీ వర్షం రావడంతో దారి కనిపించలేదు. గూగుల్ మ్యాప్లో ఫాలో అవుతూ వెళ్లేసరికి కారు నీటి ప్రవాహంలో మునిగిపోయింది.
గతంలో కూడా ఇలాంటి ఘటనలు జరిగాయి : వెంటనే స్థానికులు పోలీస్ పెట్రోలింగ్ యూనిట్ వారిని గమనించి మహిళతో పాటు నలుగురిని రక్షించారు. కానీ కారు మాత్రం నీటిలో పూర్తిగా మునిగిపోయింది. ఆ కారును బయటకు తీసేందుకు ప్రయత్నాలు జరుగుతున్నాయని కురుప్పంతర పోలీస్ స్టేషన్ అధికారి తెలిపారు. పర్యాటకులకు ఈ ప్రాంతం గురించి తెలియని కారణంగా వారు గూగుల్ మ్యాప్ను ఉపయోగించి నావిగేట్ చేస్తూనే నీటి ప్రవాహంలోకి వెళ్లిపోయారని స్థానికులు తెలిపారు.
గౌరవెల్లి ప్రాజెక్టులోకి దూసుకెళ్లిన వ్యాన్ : ఏడాది క్రితం సిద్దిపేట జిల్లాలోని గౌరవెల్లి ప్రాజెక్టులోకి వ్యాన్ దూసుకెళ్లింది. గూగుల్ మ్యాప్స్ చూసుకుంటూ రోడ్డు ఉందని భావించి ముందుకు వెళ్లాడు. తీరా చూస్తే నేరుగా ఆ వ్యాన్ ప్రాజెక్టులోకి వెళ్లిపోయింది. డ్రైవర్ను రక్షించిన స్థానికులు, వ్యాన్ను కూడా కష్టం మీద బయటకు తీశారు. అందుకే సాంకేతికత గూగుల్ మ్యాప్ను ఉపయోగించే ముందు సాటి మనిషిని కూడా అడిగితే మంచిదని అభిప్రాయం.
కొంప ముంచిన గూగుల్ మ్యాప్ తీరా చూస్తే కాలువలో కారు..
![Google Map of Kompa Dunk A car in the canal. Google Map of Kompa Dunk A car in the canal.](https://voicetodaynews.com/wp-content/uploads/2024/05/107-1-696x392.jpg)
- Advertisement -
- Advertisement -