‘గాంజా శంకర్‌’ చిత్ర యూనిట్‌కు నోటీసులు

సాయిధరమ్‌ తేజ్‌ కథానాయకుడిగా నటిస్తున్న ‘గాంజా శంకర్‌’ చిత్ర యూనిట్‌కు తెలంగాణ యాంటీ నార్కోటిక్స్‌ బ్యూరో (టీఎస్‌ న్యాబ్‌) పోలీసులు నోటీసులు ఇచ్చారు. గంజాయి (గాంజా) పదాన్ని తొలగించాలని సూచించారు. సినిమాలో మాదక ద్రవ్యాలకు సంబంధించిన అభ్యంతరకర సన్నివేశాలుంటే ఎన్డీపీఎస్‌-1985 చట్టం ప్రకారం చర్యలు తీసుకుంటామని హెచ్చరించారు. విద్యార్థులు, యువతపై మూవీ టైటిల్‌ ప్రభావం చూపుతుందని.. గంజాయి సీన్స్‌, డైలాగులు లేకుండా చూడాలని నోటీసుల్లో పేర్కొన్నారు.