సీఎం ఆదేశిస్తే రాజీనామాకు సిద్దం
ఎమ్మెల్యే దానం
హైదరాబాద్
Ready to resign if ordered by the CM
ఎన్నికల్లో ఫైట్ చేయడం , గెలవడం తన రక్తంలోని ఉందని దానం ఆసక్తికరమైన వ్యాఖ్యలు చేశారు. ఎమ్మెల్యే అనర్హత వేటు అంశంపై ఖైరతాబాద్ ఎమ్మెల్యే దానం నాగేందర్ స్పందించారు. రాజీనామా ప్రస్తావన ఇంకా రాలేదని , ముఖ్యమంత్రి ఆదేశిస్తే రాజీనామా చేయడానికి సిద్ధంగా ఉన్నానని దానం అన్నారు. తనకి ఎన్నికలు కొత్త కాదని , ఇప్పటికి 11 ఎన్నికల్లో కొట్లాడిన చరిత్ర తనకి ఉందన్నారు. ఖైరతాబాద్ నియోజకవర్గం హిమాయత్ నగర్ లోని పలు అభివృద్ధి పనులకు శంకుస్థాపన చేసిన దానం నాగేందర్ ఈ వ్యాఖ్యలు చేశారు. అనర్హత కేసు విషయంలో సుప్రీంకోర్టులో వాదనలు నడుస్తున్నాయని , తన వైపు నుండి వాదనలు వినిపిస్తానన్నారు. ముఖ్యమంత్రి రేవంత్ రెడ్డి మరో పదేళ్ల పాటు ముఖ్యమంత్రిగా కొనసాగితేనే రాష్ట్రం అభివృద్ధి పధంలో దూసుకెళ్తుందన్నారు. రైజింగ్ తెలంగాణ కోసం తలపెట్టిన గ్లోబల్ సమ్మిట్ ను రాష్ట్ర ప్రభుత్వం విజయవంతంగా నిర్వహిస్తుందని దానం అన్నారు.
