ఓటర్లను ప్రలోభాలకు గురిచేస్తూ అక్రమంగా పంపిణీ చేస్తున్న డబ్బు రూ.49,490/- లు స్వాధీనం ..

జిల్లా ఎస్పీ చెన్నూరి రూపేష్
సాధారాణ ఎన్నికలలో భాగంగా జిల్లాలో జరుగుతున్న వివిధ రకాల అసాంఘిక, చట్టవ్యతిరేక కార్యకలాపాలను అరికట్టేందుకు గాను, జిల్లా ఎస్పీ ఏర్పాటు చేసిన స్పెషల్ టాస్క్ఫోర్స్ టీమ్స్ జిల్లా వ్యాప్తంగా విస్తృత స్థాయిలో దాడులు నిర్వహించడం జరుగుతుంది. ఈ దాడులలో భాగంగా.. బీఆర్ ఎస్ పార్టీ కి చెందిన 1) శ్రీనివాస్ రెడ్డి తండ్రి యాది రెడ్డి, గ్రామం: ముత్తంగి, 2) సి. హెచ్ శ్రీనివాస్ తండ్రి ఆగమయ్య. గ్రామం: ముత్తంగి, 3) నల్లవల్లి కిరణ్ రెడ్డి తండ్రి జానా రెడ్డి, గ్రామం: ముత్తంగి, 4) బి. భరత్ రెడ్డి తండ్రి కృష్ణ రెడ్డి, గ్రామం: ముత్తంగి, పై నలుగురు వ్యక్తులు ముత్తంగి గ్రామంలో గల పి.యస్.ఆర్. గార్డెన్ నందు ఓటర్లను మబ్య పెడుతూ అక్రమంగా ఓటుకు డబ్బు పంపిణీ చేస్తుండగా స్పెషల్ టాస్క్ఫోర్స్ పోలీసులు దాడులు నిర్వహించి రూ: 49,490/-, 4-సెల్ ఫోన్, 2- ఓటరు స్లీప్, 1- కరపత్రం, 7- ఓటరు కార్డులు స్వాధీనపరుచుకొని, నిందితులతో సహ స్వాధీనపరుచుకున్న సొత్తును తదుపరి విచారణ నిమిత్తం పటాన్ చెర్వు పోలీసు స్టేషన్ కు తరలించారు