ఫోన్ ట్యాపింగ్ తో సెటిల్మెంట్లు
హైదరాబాద్, మే 28
తెలంగాణ ఫోన్ ట్యాపింగ్ కేసు అనేక మలుపులు తిరుగుతోంది. తాజాగా అరెస్ట్ అయిన తెలంగాణ ఇంటెలిజెన్స్ అడిషనల్ ఎస్పీ భుజంగరావు నేరాంగీకార ప్రకటనలో సంచలన విషయాలు వెల్లడయ్యాయి. బీఆర్ఎస్ పార్టీకి వ్యతిరేకంగా పనిచేస్తున్న వారి ఫోన్లను ట్యాప్ చేసినట్లుగా భుజంగరావు అంగీకరించారు. విపక్ష నేతలు, విద్యార్థి నేతలు, జర్నలిస్టుల ఫోన్లు ట్యాప్ చేశారని.. ప్రతిపక్ష నేతల కుటుంబ సభ్యుల ఫోన్లు, వాహనాలపై నిఘా పెట్టారని వెల్లడయింది. కేసీఆర్ ప్రభుత్వ హయాంలో జీహెచ్ఎంసీ ఎన్నికల సమయంలోనూ, మూడు ఉప ఎన్నికల్లోనూ ఫోన్ ట్యాపింగ్ జరిగిందని భజంగరావు పోలీసులకు తెలిపారు. బీజేపీ, కాంగ్రెస్ మద్దతుదారుల ఫోన్లు ట్యాప్ చేశారని .. అక్టోబర్లో ఎన్నికల సంఘం రాధాకిషన్రావుతో పాటు పలువురిని బదిలీ చేసింది. ఎన్నికలకు ముందు బీఆర్ఎస్ నేతల ఆదేశాల మేరకు రెండు ప్రైవేట్ ఆసుపత్రుల నుంచి భారీ మొత్తంలో డబ్బులు తీసుకుని టాస్క్ఫోర్స్ వాహనాల్లో తీసుకెళ్లారని భుజంగరావు తెలిపారు. స్థిరాస్తి వ్యాపారి సంధ్యా కన్వెన్షన్కు చెందిన శ్రీధర్ రావును రూ. 13 కోట్ల విలువైన ఎలక్టోరల్ బాండ్లను కొనుగోలు చేయాలని ఒత్తిడి చేశారని ఆమె అంగీకరించకపోతే క్రిమినల్ కేసులలో వేధించామని భుజంగరావు తెలిపారు. కామారెడ్డిలో కేసీఆర్ పోటీ చేసినందున ప్రత్యేక ఏర్పాట్లు చేశామని.. బీజేపీ అభ్యర్థి వెంకటరామిరెడ్డి, రేవంత్ రెడ్డి సోదరుడు కొండల్ రెడ్డిలపై ప్రత్యేక నిఘా పెట్టామని భుజంగరావు తెలిపారు. హైకోర్టు న్యాయమూర్తులు, న్యాయవాదుల ఫోన్లు ట్యాప్ చేశామని.. కేటీఆర్ ను విమర్శించిన వారందరి ఫోన్లు ట్యాప్ చేశారని తెలిపారు. అప్పటి ఇంటెలిజెన్స్ చీఫ్ ప్రభాకర్ రావు ఆదేశాల మేరకు బీజేపీలో చేరేందుకు ప్రయత్నించిన బీఆర్ఎస్ ఎమ్మెల్యేల ఫోన్లను ట్యాప్ చేశారని రాధాకిషన్ రావు తెలిపారు . రోహిత్రెడ్డితో పాటు కొంత మంది బీజేపీలో చేరేందుకు ప్రయత్నిస్తున్నట్లు పైలట్ రోహిత్రెడ్డి నుంచి సమాచారం అందుకున్న కేసీఆర్ ఆదేశాల మేరకు మొయినాబాద్ ఫాంహౌస్కు చర్చల నిమిత్తం వచ్చిన మధ్య దళారీపై దాడులు నిర్వహించి పట్టుకున్నామని రాధాకిషన్ రావు తెలిపారు. రు. ఎమ్మెల్యే కొనుగోళ్ల కేసులో బీఎల్ సంతోష్ను అరెస్ట్ చేయాలని మాజీ సీఎం కేసీఆర్ ఆదేశించారు. బీఎల్ సంతోష్ను అడ్డుకుని కవితను మద్యం స్కాం నుంచి తప్పించాలని పథకం పన్నారని తెలిపారు. బీఎల్ సంతోష్ను అరెస్ట్ చేసేందుకు చేసిన ప్రయత్నాలు విఫలమవడంతో కేసీఆర్ ఆగ్రహం వ్యక్తం చేశారని రాధాకిషన్ రావు తెలిపారు. బీజేపీ ప్రతిష్టను దిగజార్చేందుకు మాజీ సీఎం కేసీఆర్ కుట్ర పన్నారని, ఈ వ్యవహారంలో ఓ సీనియర్ పార్టీ కార్యకర్త పేరును బయటపెట్టారని, తన ఎమ్మెల్సీ కూతురిని మాజీ డీసీపీ మోసం చేశారంటూ మాజీ డీసీపీ వెల్లడించిన విషయాలు ఇప్పుడు బట్టబయలయ్యాయని బీజేపీ నేత సుభాష్ ఆరోపించారు. ఇప్పుడు జ్యుడీషియల్ కస్టడీలో ఉన్న ఢిల్లీ మద్యం కుంభకోణం కేసులో తనకు బెయిల్ వచ్చేలా బీజేపీతో డీల్ కుదుర్చుకోవాలని కవిత భావించారని సుభాష్ తెలిపారు. అప్పటి కేసీఆర్ నేతృత్వంలోని బీఆర్ఎస్ ప్రభుత్వం రాజకీయ ప్రయోజనాల కోసం తన రాజకీయ ప్రత్యర్థులపై పోలీసు అధికారులను దుర్వినియోగం చేసిందని ఆరోపించిన సుభాష్, మాజీ సీఎం కేసీఆర్పై చర్యలు తీసుకోవాలని రాష్ట్ర కాంగ్రెస్ ప్రభుత్వాన్ని డిమాండ్ చేశారు. బీఆర్ఎస్ అధినేతపై ఇన్ని ఆరోపణలు వచ్చినా రేవంత్రెడ్డి ప్రభుత్వం ఎలాంటి చర్యలు తీసుకోకపోవడం బీఆర్ఎస్-కాంగ్రెస్ల మధ్య పొత్తు ఉందని తేలిందని ఆరోపించారు.
ఫోన్ ట్యాపింగ్ తో సెటిల్మెంట్లు
![Delete this app.. Delete this app..](https://voicetodaynews.com/wp-content/uploads/2024/05/download-44.jpeg)
- Advertisement -
- Advertisement -