పెళ్లి పీటలెక్కనున్న యంగ్ హీరో శివ కందుకూరి

- Advertisement -

పెళ్లి పీటలెక్కనున్న యంగ్ హీరో శివ కందుకూరి

డిసెంబర్‌లో ఆర్కిటెక్ట్‌ శిశిర సింహాతో వివాహం

Young hero Shiva Kandukuri set to tie the knot

Young hero Shiva Kandukuri set to tie the knot
Young hero Shiva Kandukuri set to tie the knot

హైదరాబాద్‌:

టాలీవుడ్‌లో మరో పెళ్లి సందడి మొదలుకానుంది. యంగ్ హీరో, ప్రముఖ నిర్మాత రాజ్ కందుకూరి తనయుడు శివ కందుకూరి త్వరలో వైవాహిక జీవితంలోకి అడుగుపెట్టబోతున్నారు. హైదరాబాద్‌కు చెందిన ఆర్కిటెక్ట్‌ శిశిర సింహాను ఆయన ఈ ఏడాది డిసెంబర్‌లో వివాహం చేసుకోనున్నారు.

‘చూసీ చూడంగానే’, ‘గమనం’, ‘మను చరిత్ర’, ‘భూతద్ధం భాస్కర్ నారాయణ’ వంటి చిత్రాలతో శివ కందుకూరి నటుడిగా గుర్తింపు తెచ్చుకున్నారు. విభిన్న కథలను ఎంచుకుంటూ తనకంటూ ప్రత్యేక స్థానం సంపాదించుకునే ప్రయత్నం చేస్తున్నారు. ప్రస్తుతం ఆయన చేతిలో పలు ఆసక్తికరమైన ప్రాజెక్టులు ఉన్నాయి.

మరోవైపు ఆర్కిటెక్ట్‌గా పనిచేస్తున్న శిశిర సింహా కందుకూరి కుటుంబంలోకి కోడలిగా అడుగుపెట్టనున్నారు. కుటుంబ సభ్యులు, సన్నిహితులు, ఆత్మీయుల సమక్షంలో వివాహ వేడుక నిర్వహించేందుకు ఏర్పాట్లు జరుగుతున్నాయి.

నిర్మాతగా తెలుగు చిత్ర పరిశ్రమలో ప్రత్యేక గుర్తింపు తెచ్చుకున్న రాజ్ కందుకూరికి కుమారుడి వివాహం ఆనందకరమైన సందర్భంగా నిలవనుంది. శివ కందుకూరి, శిశిర సింహా కొత్త జీవితానికి అడుగుపెడుతున్న నేపథ్యంలో అభిమానులు, సినీ వర్గాల నుంచి శుభాకాంక్షలు వెల్లువెత్తుతున్నాయి.

- Advertisement -

RELATED ARTICLES

spot_img

Most Popular