హైదరాబాద్, నవంబర్ 15, (వాయిస్ టుడే): తెలంగాణ రాష్టంలో సీఎం కేసీఆర్ ను మ్యాచ్ చేసే లీడర్ లేనే లేడని మంత్రి హరీష్ రావు స్పష్టం చేశారు. దక్షిణ భారతదేశంలో హ్యాట్రిక్ సీఎం గా కేసీఆర్ రికార్డ్ కొట్టబోతున్నారని జోస్యం చెప్పారు. హైదరాబాద్ లో మీడియా ప్రతినిధులు నిర్వహించిన మీట్ ది ప్రెస్ లో పలు అంశాలపై మాట్లాడారు. విద్య అంటే చాలా మంది స్కూళ్లు, విద్యా శాఖ బడ్జెట్ మాత్రమే చూస్తారు. కానీ.. వైద్య శాఖ ద్వారా మెడికల్ కాలేజీలు, ఫారెస్ట్ యూనివర్సిటీ, హర్టికల్ యూనివర్సిటీ, ఫిషరీస్ యూనివర్సిటీ వంటివి కూడా విద్య కు చేసే ఖర్చుగా చూడాల్సి ఉందన్నారు. వైద్య రంగాన్ని బలోపేతం చేశామని… అన్ని స్థాయిల దవాఖానల్లో సదుపాయాలు కల్పించామమన్నారు. జిల్లాకు ఒక మెడికల్ కాలేజ్ తెచ్చామని గుర్తు చేశారు హ్యాట్రిక్ విజయం తర్వాత వైద్య, విద్య రంగాలను మరింత బలోపేతం చేయడంతో పాటు హైదరాబాద్ చుట్టుపక్కల ప్రాంతాల్లో వసతుల కల్పనపై దృష్టి పెట్టాలని భావిస్తున్నామని హరీష్ రావుతెలిపారు. తెలంగాణ ఉద్యమ నినాదంలో నీళ్ళు.. తెలంగాణ గడ్డ మీదికి నీళ్ళు మళ్లించామన్నరాు. నిధులు.. మన నిధులు మనం వాడుకుంటున్నాము కాబట్టే సంక్షేమం అమలు చేయగలుగుతున్నామన్నారు. నియామకాలు.. మొదటి విడతలో 1.32 లక్షల ఉద్యోగాలు భర్తీ చేశాం. ఈసారి 80 వేల ఉద్యోగాల భర్తీ ప్రక్రియ మొదలు పెట్టాం. కరోనా రావడం, రాష్ట్రపతి ఉత్తర్వుల సవరణ కోసం ఏడాదిన్నర ఎదురు చూడాల్సి రావడంతో రెండో విడతలో కాస్త ఆలస్యం జరిగిందన్నారు. ప్రైవేట్ పరంగా ఇండస్ట్రీలో 24 లక్షల ఉద్యోగాలు, 6 లక్షల ఉద్యోగాలు ఐటీ లో వచ్చాయని గుర్తు చేశారు. ఐటీ ఉత్పత్తుల్లో, ఐటీ ఉద్యోగాల కల్పనలో తెలంగాణ మొదటి స్థానంలో ఉంది. ప్రభుత్వ విధానాల వల్లే ఇది సాధ్యమైందన్నాు.కేసిఆర్ పాలనలో కరువు లేదు, కర్ఫ్యూ లేదు. కులం, మతం, ప్రాంత వివక్ష తెలంగాణలో లేదు. వాటర్ ట్యాంకర్లు లేవు, జనరేటర్ల చప్పుళ్లు లేవన్నారు. కాళేశ్వరం ప్రాజెక్టు అంటే మూడు బరాజులు మాత్రమే కాదు. పంప్ హౌస్ లో టన్నెల్ కాలువలు రిజర్వాయర్లు.. ఇలా కాళేశ్వరం అంటే ఒక పెద్ద వ్యవస్థ.
![again-i-will-be-the-minister-of-medicine](https://voicetodaynews.com/wp-content/uploads/2023/11/harish-5.jpg)
ఈ విషయం తెలియక ప్రతిపక్షాలు కోడిగుడ్డు మీద ఈకలు పీకినట్టు హంగామా చేస్తున్నారని విమర్శించారు. పాజిటివ్ ఓటింగ్ తో మళ్ళీ అధికారంలోకి వస్తామని ధీమా వ్యక్తం చేశారు. ప్రతిపక్షాలకు ఎజెండా లేదు. గతంలో తాగునీటిపై, విద్యుత్ పై చర్చ జరిగింది. ఇప్పుడు మేము వాటిని పరిష్కరించాం. కాబట్టే మమల్ని వ్యక్తిగతంగా తిడుతున్నారని విమర్శించారు. BRS నేతలను చెప్పుతో కొట్టాలి అని నిన్న ఒక నేత అన్నడు. మేమూ మాట్లాడగలం. బూటుతో కొట్టాలి అని నేను కూడా అనగలను. కానీ ప్రజలకు బూతులు మాట్లాడే నాయకులు కాదు.. భవిష్యత్తు కోరే నాయకులు కావాలన్నారు. బూతులు మాట్లాడే నాయకులకు.. ప్రజలకు పోలింగ్ బూతుల్లోనే సమాధానం చెప్తారన్నారు. తెలంగాణకు కాంగ్రెస్, బిజెపి ఒక్కటి అయ్యాయి. దుబ్బాక, మునుగొడులో కాంగ్రెస్ పార్టీ సరెండర్ అయింది. ఇప్పుడు బిజెపి లొంగిపోయిందన్నారు. 7 మండలాలు బిల్లు తెచ్చింది బిజెపి, మద్దతు ఇచ్చింది కాంగ్రెస్. సీలేరు పవర్ ప్రాజెక్ట్ బిల్లు తెచ్చింది బిజెపి.. మద్దతు ఇచ్చింది కాంగ్రెస్. నూకలు బుక్కుమని కేంద్ర మంత్రి అవమానిస్తే మేము ఢిల్లీకి వెళ్లి ధర్నా చేస్తే.. కాంగ్రెస్ కనీసం ఖండించలేదని గుర్తు చేశారు. ఊరికి ఇద్దరు పైరవికారులకు మేలు కలగాలంటే కాంగ్రెస్ కు ఓటేయండి.. ఊరంతా మేలు కలగాలి అంటే బీఆర్ఎస్కు ఓటు వేయాలన్నారు. మైనార్టీల ఓట్ల కోసమే బిఆర్ఎస్, బిజెపి ఒక్కటే అని కాంగ్రెస్ ప్రచారం చేస్తోందని హరీష్ రావు ఆరోపించారు. బిజెపి, BRS ఒక్కటే అయితే గవర్నర్ మాకు సహకరించే వారు. ఆర్టీసీ బిల్లు అంతా సిద్ధంగా ఉంది. గవర్నర్ ఆలస్యం చేయడం వల్ల ఆగిపోయింది. ఇప్పుడైనా ఇసి ఒప్పుకుంటే ప్రభుత్వంలో కలిపేస్తాం. లేదా మళ్ళీ ప్రభుత్వం ఏర్పడగానే విలీనం చేస్తామన్నారు బోరు బావుల దగ్గర మీటర్లు పెట్టలేదని 35 వేల కోట్లు కేంద్రం ఆపిందని.. బిజెపి పై మేము పోరాటం చేస్తున్నాం, కేంద్రం మా మీద కక్ష్య సాధింపు చర్యలకు పాల్పడుతున్నదన్నారు. కాంగ్రెస్ మా మేనిఫెస్టో కాపీ కొట్టింది. మా పథకాలకు కొంత కలిపి ఎక్కువ ఇస్తామని చెప్పిందన్నారు. కాంగ్రెస్ ది ఎగవేసే చరిత్ర.. మాది ఇచ్చిన హామీ నెరవేర్చిన ఘనత అన్నారు. అధికారంలోకి వచ్చిన 100 రోజుల్లో 2 లక్షల ఉద్యోగాలు ఇస్తామని కర్ణాటక లో రాహుల్ చెప్పారు. కానీ ఇప్పటివరకు ఇవ్వలేదని గుర్తు చేశారు. నేను సీఎం కేసీఆర్ ఆధ్వర్యంలో పనిచేసే కార్యకర్తను. పార్టీ నాకు ఏ బాధ్యత అప్పగించినా చేస్తాను. రాబోయే ప్రభుత్వంలో మరోసారి వైద్య ఆరోగ్య శాఖ మంత్రిగా పదవి చేపట్టాలని ఉంది. ప్రజలకు ఎక్కువ సేవ చేసే అవకాశం ఆత్మసంతృప్తి ఆ శాఖలో ఉంది.