ఏకంగా సీఐ నే బ్లాక్ మెయిల్ చేసిన నకిలీ విలేకర్ల ముఠా

ఏకంగా సీఐ నే బ్లాక్ మెయిల్ చేసిన నకిలీ విలేకర్ల ముఠా

A gang of fake journalists blackmailed by the CIA

హైదరాబాద్

నల్గొండ జిల్లాలో నకిలీ విలేకర్ల ముఠా ఒకటి పోలీసులను టార్గెట్ చేసింది. అక్రమాలు బయటపెడతా అంటూ బెదిరింపులకు పాల్పడుతోంది. వీరి డిమాండ్లకు ఓ సీఐ తలొగ్గడం గమనార్హం. 5 లక్షలు ఇవ్వాలని సదరు ముఠా డిమాండ్ చేయగా, వారి ఆగడాలు తట్టుకోలేక సీఐ తన మిత్రుడి ద్వారా 1.10 లక్షలు ముట్ట జెప్పినట్లు తెలుస్తోంది. అయిన ఇప్పటికీ ఆ ముఠా బెదిరింపులు ఆగలేదు. తాము డిమాండ్ చేసిన సొమ్ములో మిగతా 4 లక్షలు ఇవ్వాలంటూ వేధించడం ప్రారంభించింది.
ఈ ముఠా ఆగడాలు భరించలేక సదరు సీఐ తన శాఖలోని ఉన్నతాధికారులకు ఫిర్యాదు చేసినట్లు సమాచారం. ఉన్నతాధికారుల ఆదేశాల మేరకు పోలీసులు దర్యాఫ్తు చేపట్టి ఆ ముఠాలోని ఒక నకిలీ విలేకరిని అదుపులోకి తీసుకున్నారు. మిగతా వారి కోసం గాలింపు చర్యలు చేపట్టినట్లు అధికార వర్గాలు తెలిపాయి.