“ఒక్కటి తక్కువైంది పుష్పా!!!”
పుష్ప లో ఒక ఫేమస్ డైలాగ్ ఉంది –
షెకావత్ అంటాడు –
“ఒక్కటి తక్కువైంది పుష్పా !!!”
“ఒక్కటి తక్కువైంది పుష్పా!!!”
అంటాడే కానీ అదేంటో చెప్పడు???
“One less pushpa!!!”
తెలంగాణ సీఎం – రేవంత్ కూడా – తెలుగు ఫిల్మ్ ఇండస్ట్రీ నుంచి ఒక్కటి తక్కువైంది అనుకున్నాడు –
అది నిన్నటి మీటింగ్ తో కొంత వరకూ దక్కింది – ఆ మీటింగ్ వెన్యూ కూడా సెక్రటేరియట్ కానీ , సీఎంఓ ఆఫీస్ కానీ కాదు – కమాండ్ కంట్రోల్ రూమ్ కి రమ్మని – రేవంత్ తన ఎజెండా ని ఒక 20 నిముషాల్లో చెప్పాల్సింది చెప్పేశాడు – తర్వాత – దిల్ రాజు బయటికి వచ్చి – లోపల జరిగిన దానికి – మాట్లాడిన మాటలకు పొంతన లేదు . అసలు బెనిఫిట్ షోలు, టిక్కెట్ల పెంపు లేకపోతే – తెలుగు సినిమా ప్రొడ్యూసర్స్ కి ఇంకేం కావాలి ? ప్రభుత్వాల నుంచి . అది మాత్రం కుదరదు అని క్లియర్ గా తెలంగాణ సీఎం నిన్న మీటింగ్ లో స్పష్టం చేశాడు .
నిదానం గా తెలంగాణ సంస్కృతి / సంప్రదాయాలు మీద ఒకటి , రెండు సీన్లు పెట్టి , తెలంగాణ లోన్ వివిధ లొకేషన్స్ లో కంపల్సరీ గా షూటింగ్స్ తీయాలని కండిషన్లు పెట్టి, డ్రగ్స్ మీద , మహిళల భద్రత మీద కొన్ని వీడియోస్ చేయాలి అంటూ కొన్ని ప్రోటోకాల్స్ తో త్వరలోనే – స్పెషల్ షో లతో పాటు స్పెషల్ రేట్లు కి పర్మిషన్లు ఇవ్వొచ్చు.
కాకపోతే – నిన్నటి వరకూ – రేవంత్ ని టాలీ వుడ్ అసలు పట్టించుకోలేదు- ఆ ఒక్కటి మిస్ అయ్యింది…..
టాలీవుడ్ కి కేసీఆర్/ కేటీఆర్ తో బాగా సెట్ అయ్యింది.
మొదటి నుంచి – టాలీవుడ్ కి కాంగ్రెస్ ప్రభుత్వాలని – కాంగ్రెస్ సీఎం లని పట్టించుకోలేదు-
కానీ టాలీవుడ్ కి నిజం గా ఫేవర్స్ చేసింది – కాంగ్రెస్ సీఎం లే.
చంద్ర బాబు ఎప్పడు సీఎం అయినా – టాలీవుడ్ పెద్దలకి పండగే – ఆయన ఏం చేసినా, చేయకపోయినా, సీబీఎన్ పవర్ లో ఉంటే చాలు – అసలు టాలీవుడ్ వాళ్ళ దృష్టి లో సీఎం అంటే ఒక్క చంద్రబాబే- ఎటొచ్చి – ఇప్పుడు ఏపీ టీడీపీ తో రిలేషన్ బాలేదు- తనని రాజమండ్రి జైల్లో పెట్టినప్పుడు – తెలుగు సిన్ పరిశ్రమ సరిగ్గా రెస్పాండ్ అవలేదు అనే ఫీలింగ్ – సీబీఎన్ / లోకేష్ లలో బాగా నాటుకు పోయింది – దాంతో – టాలీవుడ్ ప్రముఖులకు అపాయింట్మెంట్స్ ఇవ్వట్లేదు- ప్రస్తుతం అన్నింటికీ పవన్ కళ్యాణ్ ఒక్కడే దిక్కు అయ్యాడు .
నిన్నటీ మీటింగ్ లో తన ఎన్ కన్వెన్షన్ ని కూల కొట్టించి నా కూడా – నాగార్జున – రేవంత్ కి శాలువ కప్పి సత్కరించిన విధానం చాలా హుందా గా అనిపించింది.
ఇంకో పాయింట్ ఏంటంటే -ఇంటర్నేషల్ సినిమా హబ్ గా తెలంగాణ అవ్వాలంటే- సెలబ్రిటీ లు హైదరాబాద్ వచ్చినప్పుడు – చిన్న గొడవ జరిగినా- వాళ్ళే కారణం అని -వాళ్ళ పేర్లు ఎఫ్ ఐ ఆర్ లో చేర్చితే – ఎవరైనా మళ్ళా హైదరాబాద్ వస్తారా ?
షారుఖ్ / సల్మాన్ ల ఫంక్షన్ లో ఫాన్స్ తొక్కిసలాట జరిగి – గొడవ అయ్యి – ఏదైనా జరగ కూడని ప్రాణ నష్టం జరిగితే – వాళ్ళని రెస్పాన్సిబుల్ చేసి కేసులు కడితే- హైదరాబాద్ బ్రాండ్ ఇమేజ్ కి దెబ్బ తగలదా?
ఈ క్లారిటీ కు తగ్గట్లు – రాష్ట్ర ప్రభుత్వం కొన్ని క్లియర్ గా , ఫిక్స్డ్ గైడ్ లైన్స్ / మార్గదర్శకాలు ఒక జి ఓ రూపంలో రూపొందిస్తే – ఫ్యూచర్ లో ఎవ్వరికీ గ్యాప్స్ లేకుండా – ఆర్గనైజ్డ్ సిస్టం డెవలప్ అవుతుంది .
ఇక ఇప్పుడు – ఎన్ని చెప్పినా- పుష్ప లో షెకావత్ కు కానీ/ తెలంగాణ సీఎం – రేవంత్ కి కానీ – ఒక్కటి తగ్గింది – అన్నది- “రెస్పెక్ట్ “
ఇప్పుడు రేవంత్ కి టాలీవుడ్ లో ఐడెంటిటీ క్రియేట్ అయింది-నిన్న ఒక గంట వెయిటింగ్ చేయించిన తర్వాత తర్వాత – తెలుగు సినిమా పెద్దలు నుంచి దొరికిన / ఇచ్చిన – వచ్చిన – రెస్పెక్ట్ -తో.
– సత్య కేశరాజు
